Bukavu: Abarimu banze kwigisha bagana imihanda barigaragambya

0
226

Muri Repubulika iharanira Demokarasi ya Kongo mu gace ka Bukavu, abarezi banze kujya ku mirimo yabo kuri uyu wa 28 Gashyantare biturutse kwibwirizwa bahawe n’abahagarariye amashyirahamwe yabo ku munsi bahariye ngo ‘ishuri ritagira abigisha’ ngo hubahirizwe iterambere mu kazi kabo.

Intandaro ya byose ni ibirarane leta yabereyemo abarezi mu gihe cy’imyaka igera kuri 23 yose kuva mu mwaka wi 1992 kugeza mu mwaka wa 2015, abagize aya matsinda yabo bafashe icyemezo cyo gushyiraho uyu munsi w’itariki ya 28 Gashyantare nk’umunsi wahariwe kuzirikana akamaro bafatiye runini iterambere ry’igihugu dore ko uburere buruta ubuvuke kandi ko n’ibihangange byose bica imbere ya mwarimu.

Abarimu imishahara
iyi n’ifoto yo muri 2015 bafata icyemezo cy’uko batazasubira mu ishuri batabonye ibirarane byabo

Ni urugendo aba barezi bakora mu mahoro bashaka kugaragariza leta akababaro kabo ndetse n’uburyo batitabwaho ngo bahabwe imishahara yabo uko bikwiye.

Umwe mu barezi wari witabiriye iyi myigaragambyo waganiriye na radiyo Okapi dukesha iyi nkuru yagize ati: “Batwizeza ko bagiye kwishyura binyuze buryo abarezi bose kandi ku gihe buri mwaka. ariko kugeza kurubu dufite abarimu bangana na 44% muri Kivu y’amajyepfo batarabona imishahara yabo.”

Aba barium bo muri Bukavu bagaragaza kandi ko bagomba kutajya bahazaharira bagomba kubona ibijyanye n’uko ifaranga uyu munsi rihagaze ku isoko, umunyamabanga w’ishyirahamwe ryabo Jacques Cirimwami yagize ati: “ Umushahara wa mwarimu wari ku mafaranga ya makongomani agera ku Bihumbi 100. akaba afite agaciro kangana na 108 $ y’Amerika. Kuri uyu munsi i dorali ryazamutse gusa baracyakomeza kuduha nkayo mbere n’ubundi baduhaga.”

Ku munsi wo kuri uyu wa Kabiri abarimu bo muri Bukavu banze gufungura amashuri ngo bigishe intero ari mwe ari “Turabirambiwe, Turabirambiwe” ndetse bageza n’ubusabe bwabo ku muyobozi w’ikigo cyaho bakorera ngo abubashyikirize minisitere ibashinzwe.

Leave a Reply