Burera/Gatebe: Byibura bakora ibirometero 15 bajya gushaka amazi

0
262

Bamwe mu baturage bo mu murenge wa Gatebe mu karere Burera baravuga ko bafite ikibazo cy’amazi meza, aho bavuga ko bakora urugendo rurerure rugera mu birimetero 15, ibi ngo bikabaviramo kurwara indwara zituruka ku mwanda.

Bamwe mu baturage bavuga ko ibura ry’aya mazi, ryaba rifitanye isano n’imiyoboro y’amazi yagiye yangirika.

Uyu muturage yagize ati:”Ngereranyije ni nka kirometero nka 15, iyo yabuze tujya kuvoma ayo ku gishanga  ubwo tukabura uko twabigenza  tugapfa kuyavoma  kubera ko nta kundi twabigenza kunkwaho tunkwaho nyine, kubera ko nta kundi twabigenza”

Undi ati:”Hashize igihe kirekire amazi ataboneka n’amatiyo ya hano usa garatobotse tujya kuvoma epfo iyi mu gishanga abaturage bakahakora nk’akagezi hano, imigezi irumye bwo”.

Kuba aba baturage  bavuga ko ikibazo cy’amazi gituma barwara indwara zituruka ku mwanda binashimangirwa n’Umukozi ukora mu isuzumiro “Laboratory” ry’ikigo nderabuzima cya Gatebe, Rwamuhungu Gervain avuga ko abagana ivuriro rya Gatebe bibasiwe n’indwara zitandukanye ziterwa no gukoresha amazi mabi abaturage bavoma mu bishanga nka z’amibe, na tirikomunase.

Agira ati “Ikibazo hano duturiye ni ikibazo cy’ibura ry’amazi bigatuma haboneka indwara nyinshi ziganjemo inzoka zirimo amibe na asikasisi ziterwa no gukoresha amazi mabi.”

Ibura ry’amazi muri aka gace byari byaratewe no kwangirika k’uruhombo ruzana amazi muri aka gace, bikaba bituma abaturage bamanuka imisozi bagiye kuvoma amazi mu bishanga ariko ubuyobozi butangaza ko ikibazo cyakemutse rwamaze gusanwa.

Umunyamabanga nshingwabikorwa w’umurenge wa Gatebe Nteziryayo Anastase yabwiye Radio Ishingiro ko  nta kibazo gihambaye gihari ko hari abaturage batangiye kuvoma kandi ngo ahari ibibazo birikugenda bikemuka kubera bagikoresha za pompe ariko bari kugerageza uko bashoboye ngo abaturage babone amazi meza.

Yagize ati:”Bamaze iminsi bari muri maintenance y’Amatiyo yari yaracitse, hari aho bakoraga umuhanda noneho biba ngomba ko yangirika noneho ubu barayasannye,  nsanze barimo kuvoma  byo nta kibozo ariko wenda si hose …ariko hari n’ahandi hagiye kari ibibazo na byo biri kugenda bikemuka bitewe n’intuza kuko bakoresha pompe ya mazutu none ho na byo ugasanga biragorana ahantu hamwe na hamwe ntahagere neza”.

Kutabona amazi meza ntibyatumye abatuye muri aka gace bareka gukoresha amazi mabi mu kwenga ibigage n’ubushera umubare munini w’abatuye  Gatebe bakunze cyane ikaba n’intandaro y’izi ndwara kuko badatinya no kuyanywa.

 

LEAVE A REPLY

Please enter your comment!
Please enter your name here