Byinshi wamenya kuri Queen Kalimpinya, igisonga cya 3 cya Miss Rwanda 2017

9
770

Kalimpinya Queen n’umukobwa w’umunyarwandakazi w’imyaka 18 y’amavuko akaba ari igisonga cya 3 cya Miss Rwanda 2017, yararangije amashuri yisumbuye mu kigo cya Lycee de Kigali mu ishami ry’imibare, icungamutungo n’ubumenyi bw’isi(MEG).

Queen Kalimpinya igisonga cya 3 cya Miss

Kalimpinya ni umukristo wavutse ubwa kabiri(yarabatijwe) akaba asengera kuri Noble Family Church na Women Foundation Ministries, akaba atuye mu Cyahafi ho mu karere ka Nyarugenge.

Queen Kalimpinya igisonga cya 3 cya Miss

Mu kiganiro Kirambuye Touchrwanda yagiranye na Kalimpinya Queen yatubwiye byinshi kuriwe ndetse n’ibikorwa ateganya gukora nyuma y’irushanwa rya Miss Rwanda 2017.

Iki n’ikiganiro kirambuye hagati ya Touchrwanda na Kalimpinya Queen

Queen Kalimpinya igisonga cya 3 cya Miss

Touchrwanda:Kalimpinga arateganya gukora iki nyuma yo kuva mu marushanwa ya Miss Rwanda?

Kalimpinya Queen: Ngiye gukora umushinga wanjye no gusohoza ibyo narahiriye abanyarwanda mu gitaramo njyarugamba.

Touchrwanda: Ese kuba utarabashije kwambikwa ikamba ntago bizakubera imbogamizi zatuma intego wihaye utayigeraho?

Kalimpinya Queen: Nta mbogamizi mbibonamo kuko nzakorana n’abanyarwanda ndetse n’izindi nzego zitandukanye mu gihugu.

Touchrwanda: Ese abavuga ko bakwibye amajwi mu marushanwa, nawe uremeranya nabo?

Kalimpinya Queen: Ntabwo nemeranya nabo bitewe nuko hari akanama nkemurampaka kari gashinzwe gutanga amanota, kuba rero kari gahagarariye abanyarwanda kakoze inshingano kari gashinzwe ndetse gakurikiza ibyagombaga kugenderwaho(criteria).

Touchrwanda: Ninde mukobwa mwahuriye muri Miss Rwanda mukaba inshuti cyane kurusha abandi?

Kalimpinya Queen: Bose nababonye nk’abavandimwe

Touchrwanda: Ni ikihe gikorwa utazibagirwa wakoreye mu mwiherero mwari murimo I Nyamata?

Kalimpinya Queen: Ni comedy nakinnye n’uburyo nasomye ku ntango y’imihigo mu gitaramo njyarugamba.

Touchrwanda: Gira Ijambo rimwe ubwira Elsa Iradukunda,Miss Rwanda 2017?

Kalimpinya Queen: Ndamwifuriza ishya n’ihirwe ku nshingano afite nka Nyampinga w’u Rwanda 2017.

Touchrwanda: Ni ubuhe butumwa waha abakobwa bitinya bakanga kujya kwiyandikisha mu marushanwa ya Miss Rwanda?

Kalimpinya Queen: Nababwira ko bakwiye kwitinyuka bakamenya ko bifitemo ubushobozi.

Touchrwanda: Ese wanga iki mu buzima bwawe?

Kalimpinya Queen: Nanga akarengane no guhemuka

Touchrwanda: Ukunda iki mu buzima bwawe?

Kalimpinya Queen: Nkunda kubona abantu banezerewe.

Touchrwanda: Ese umwaka utaha urateganya gusubira mur miss Rwanda

Kalimpinya Queen: Ntabyo nteganya

Touchrwanda: Gira ubutumwa bwa nyuma ugenera abakunzi bawe?

Kalimpinya Queen: Ndabashimira uburyo bambaye hafi mu irushanwa mu kuntora no kunyamamaza,mbasaba kandi gukomeza kunshyigikira kuko niteguye gukora cyane kugira ngo nzasohoze ibyo narahiriye abanyarwanda.

Touchrwanda: Reka tugushimire

Kalimpinya Queen: Murakoze cyane Imana ibahe umugisha

Queen Kalimpinya igisonga cya 3 cya Miss

9 COMMENTS

  1. Miss rwanda ni comedy nkizindi zose cg ikinamico,Kalimpinya Q yari uwambere muri social media mukugira aba fans benshi ari muba mbere bafite sms voting nyinshi,vidéos ze,interviews ntawamuhigaga,gusa twese tuzi ko ruswa igihari,gusa niwe miss wacu2017,kuko byagaragariye bose ko miss watowe nibisongA bye 2 ari comedy,gusa ndagushimiye ko wavuze ko utazasubira muri ririya kinamico

  2. Butiful Queen, I really support and love you. You highly deserved to be miss Rwanda 2017.barakwibye sha, ihangane bibaho mu buzima. Tukuri inyumaaaaa.

  3. You were the best from all contestants, sorry you did not win but life is like that. There arealways some things you cannot control and it’s not your fault. We love you and you will always be our Miss.

  4. njye nakunze ukuntu asubiza , urebye ibibazo wa musaza yamubazaga ntawundi mukobwa wari kubisubiza nkuko yabikoze . kuko wumvaga ko bitoroshye na gato kandi birimo n ikinyarwanda gikomeye

Leave a Reply