Congo: Abapolisi 40 bishwe batemaguwe

0
1100

Abapolisi bagera kuri 40 mu Leta iharanira Demokarasiya Congo, bishwe batemaguwe   n’umutwe w’abarwanyi ba Kamwina Nsapu mu gace ka Kasai.

Congo

Aba barwanyi baturuka mu mutwe wa Kamwina Nsapu bishe abapolisi bari bari gucunga umutekano babaguye gitumo, 40 bahasiga ubuzima abandi 6 babasiga amahoro.

BBC ivuga ko ubu bushyamirane bwatangiye umwaka ushije ubwo abapolisi bivuganye umukuru w’umutwe w’izi nyeshyamba za Kamwina Nsapu.

Guverineri w’aka gace Bwana Alex Nkande yatangaje ko hatangiye iperereza kuri ubu bwicanyi bwabaye kuri uyu wa gatanu ushize.

Umuryango w’Abibumye uvuga ko abantu 400 bishwe abandi 200 000 bagasigwa iheruheru nta ho kuba bagira mu gace ka Kasai mbere y’uko uwahoze ari umuyobozi w’uyu mutwe Jean-Pierre Pandi yicwa.

Umuryango w’Abibumye ukomeza uvuga wabonye imva 10 abaguye muri ubu bushyamirane bashyinguwemo kandi hari utundi duce tuvugwamo kuba hari izindi mva abantu benshi bashyinguwe icyarimwe.

Abakozi b’Umuryango w’Abimumbye babiri umwe ukomoka muri Amerika, undi muri Suwede bakaba barashimutiwe muri utu duce hamwe n’abanyekongo bane kugeza ubu bakaba batarabonerwa  irengero ibyumweru bibiri bishize.

Yanditswe na Nsanzimana Germain

Leave a Reply