Dore uburyo 4 bwagufasha guhitamo umukunzi nyawe

0
2147

Ubundi iyo urebye ahanini muri iy’isi dutuye usanga abantu benshi bakunze guhubuka mu gihe bagiye gushaka umukunzi ari na bwo usanga iyo bakundanye nta gihe kinini bamarana, yewe n’iyo bagikundana urukundo rwabo ruhoramo ikintu cyo kutizerana ndetse no gucana inyuma hagati yabo bombi.

Dore uburyo 4 bwagufasha guhitamo umukunzi nyawe
Dore uburyo 4 bwagufasha guhitamo umukunzi nyawe

Gira ukwihangana wowe ubwawe

Kutihangana ni imwe mu mpamvu nyamukuru ijyana abantu mu bibazo iyo batangiye umushinga wo gukundana, kutihangana ni cya gihe ubona umuntu intambuko ye ndetse n’uburanga bwe hanyuma ukamushidukira utabanje kumumenya neza uko ateye.

Ubundi urukundo ntabwo ruhubuka, urukundo rugenda buhoro buhoro kuko iyo rwitonze nibwo ruvamo urukundo nyarwo, wibona isha itamba ngo ute n’urwo wari wambaye, banza witonde ushake umukunzi witonze kandi wamaze kumenya imyitwarire ye yose.

Banza uneke uwo ushaka kugira umukunzi

Ashobora kuba we yakwishimira gukorana imibonano mpuzabitsina na we gusa nta kindi ashaka, cyangwa ashobora kuba we agukundira ko umusohokana gusa cyangwa uko ugaragara byonyine amaso yawe meza, amaguru yawe meza, uruhu rwawe rucyeye, amabere yawe cyangwa ikibuno cyawe,yego ashobora kuba agukundira ibi gusa ariko wowe ubwawe atagukunda.

Ntabwo yita uko umeze muri wowe cyangwa umutima ugira, ahubwo we arita kucyo ashobora kubona, ari na yo mpamvu nakugira inama yo kuzajya ukaneka uwo ubona akwitayeho niba koko yavamo umukunzi w’ukuri cyangwa we yikundira ko uri uwo mu muryango ukize cyangwa ko ufite akazi keza.

Banza urebe ibimenyetso aguha bigaraga n’amaso

Iyi ni indi nzira ushobora kumenyamo koko niba ari umukunzi w’ukuri, erega buriya n’umubiri uravuga,wowe koko niba umuntu akwishimira bitari iby’uburyarya, uzajya uhora uhuza nawe amaso ari kukwitegereza, hari igihe aba ari kureba amaso yawe, imisatsi yawe, iminwa yawe ndetse n’inseko yawe mu gihe ari iruhande rwawe.

Nkubwije ukuri ko iyo we yishimira ko mwakorana imibonano mpuzabitsina uzahuza amaso na we ari kwirebera uko uteye gusa nta no kukureba mu maso, areba uko ungana, amataye yawe, mu gituza ndetse azajya atangira ku kwikoreshaho ku bice bituma ugira ubushake bwo gukora imibonano mpuzabitsina, ibi nubibona sha uzahite umenya ko ari cyo gihe cyo gushaka undi mukunzi mu yindi nzira itari iyo.

Banza umuhe igihe cyo kubitekerezaho

Nk’uko urubuga umuryango.com rubivuga, Iyi yo noneho  yunganira izindi zose twababwiye kuko iyi ari bwo buryo nyabwo kandi bwiza ushobora kumenyeraho umuntu niba ashaka ko mukundana kubera ko ashaka ko mukorana imibonano mpuzabitsina cyangwa ko afite urukundo nyarwo.

Niba agusabye ko mwakundana wihita umuha igisubizo ako kanya yewe ntunamuhe n’agasomyo na gato,byibura muhe nkigihe kingana n’amezi atandatu yo kubanza kubitekerezaho nyuma ukazamuha igisubizo,ariko nyuma yayo mezi atandatu yose ntuzigere umusura ndetse na we ntuzamwemerere ko agusura,mu gihe mushaka kubonana mwembi mukabonanira mu bantu mbese ahantu hatari aho ubwihisho.

Kumuha iki gihe ni ukugira ngo umusuzume koko niba ashaka urukundo adashaka imibonano mpuzabitsina gusa,mbese uzabona iby’iyumviro akungirira,uko akwiyumvamo,niba koko agukunda azihanganira aya mezi ashire,ariko niba we yishakira imibonano mpuzabitsina azageraho arambirwe ubundi ahite abivamo.

Schadrack MUKESHIMANA

Leave a Reply