Dore ubuzima Chaplin yanyuzemo bwa kubera imvano y’ibyiringiro mu buzima

0
223

Abazi ama filime nka The Circus, The Kid, A Woman in Paris, The Gold Rush byabagora kugira umunabi cyangwa ngo bahishe amenyo kubera ibitwenge by’umwanditsi, umukinnyi ndetse akanaziyobora Charlie Chaplin wavutse ahahinga mu mwaka wi 1889 muri Mata tariki 16 avukira mu gihugu cy’Ubwongereza.

Image result for charlie chaplin

Charlie Chaplin ni umwe mu bakinnyi beza bafilime zisekeshe zizwi nka comedie (komedi) isi yagize yabayeho mu kinyejana cya 20 nubwo yakuriye mu buzima bugoye aho umuryango we wari waratereranywe na Se umubyara kubw’impamvu zuko yari yarazahajwe n’inzoga akabura umwanya wo kuba yakwita ku muryango, Nyina wa Chaplin niwe waje kwita ku bana bari barabyaranye.

Mu bwana bwe Charlie Chaplin yakuze ari umwana wirwanaho ashakisha ubuzima ahashoboka hose ngo abone amaramuko, umubyeyi yari asigaranye ariwe nyina nawe yaje gufatwa n’uburwayi bwo mu mutwe bituma Chaplin akora imbura gihe imirimo igiye itandukanye ngo yiyiteho ndetse no ku muryango we.

Mu gusobanura imirimo igiye itandukanye yanyuzemo Chaplin yagize ati: “Nacurujeho ibinyamakuru, nkora ibikinisho by’abana, nita ku bana bakiri bato ndetse n’ibindi byinshi., mu gihe cyose nari nkiri muri ibyo sinigeze ntakaza intumbero yanjye yo kuzaba umwe mu bakinnyi ba filime nari mfite nkiri muto. Nakoraga ibishoboka byose ngo ngaragare neza ndetse nkashakiriza hose aho bakenera abakinnyi b’amakinamico cyangwa filime.”

Related image

Mu kujya kwinjira muri uyu mwuga Chaplin akaba yaraje gutangira ari umwanditsi wa filime ndetse baza ku musaba ko imwe muri filime yanditse yakwemera akayibera umukinnyi w’imena aho yaje gukundwa mu buryo budasanzwe yakinnye agaragara mu ishusho y’umusinzi iyo filime ikaba yitwa A Night in an English Music Hall.

Muri icyo gihe cyose Chaplin yakomeje kwishakisha ngo yagure impano ye yaje kunagwaho akajisho n’umwe mu batunganya amafilime wo muri Amerika Mack Sennett aza kumuha igerageza nyuma yaho aza kumusinyisha amasezerano akajya ahabwa  $ 150 buri cyumweru.

Uko yaje kwinjira mu mwuga neza…

Mu mwaka wi 1914 Chaplin nibwo yakoze filime ye bwite ndetse yaje gukundwa mu buryo bukomeye imwinjiza mu ruhando, yitwaga Make a Living. aho yarazanye ibintu bitari bisanzwe ku isoko rya filime ku isi ndetse ahitamo gukina ariwe mukinnyi wenyine w’imena ugaragaramo hamwe n’izindi filime zitandukanye yagiye akina atavuga amashusho akaba ariyo abera ubusobanuro uzireba.

Nyuma y’umwaka umwe benshi mu bashoramari muri uyu mwuga wa cinema baje kumubenguka ndetse aza kugaragara mu mafilime arenga 35 ku mwaka wakurikiyeho gusa bituma aba igihangange gikomeye muri uyu mwuga ari nako agatubutse gakomeza kwiyongera dore ko yari asigaye yinjiza agera ku $670,000 mu gihe cy’umwaka.

Ubuzima bw’umuryango wa Chaplin

Uretse kuba yari icyamamare ku rwego rwo hejuru mu mwuga wa filime, Chaplin kandi amateka ye ndetse n’uburyo yaje gushaka abagore barenze umwe kandi bose baragiye bamenyanira muri uyu mwuga biri mu bintu abantu bagiye bagarukaho cyane.

Mu mwaka wi 1918 yaje gushaka Mildred Harris umwana w’umukobwa wi imyaka 16 y’amavuko baza kumarana igihe kigera ku myaka ibiri gusa nyuma yaho baza gutandukana Chaplin yongera ashaka umwe mu bakinnyi be bafilime Lita Grey nawe icyo gihe wari ufite imyaka 16 y’amavuko yakinishije muri filime Gold Rush akaza kumutera  inda mu buryo butateganyijwe baza kubyarana abana babiri mu mwaka wi 1927 nawe ntibarambana baza gutandukana.

Ntibyagarukiye aho kandi kuko mu 1936 Chaplin yarongeye ashaka undi mugore wakinnye muri Paulette Goddard mu mwaka wi 1942 nawe baza gutandukana ari bwo yaje kongera guhura na Joan Barry nawe wamushinjije ko yamuteye inda akaza kwemera gutanga indezo nyuma yaho abaganga baje gufata ibizamini basanga uyu mwana atari uwa Chaplin.

Uwaje ari karundura ni Oona O’Neill wari umwana w’umwanditsi wa filime Eugene O’Neill baje kuza kumarana igihe ndetse baza no kubyara abana bagera ku munani.

Iminsi y’ubuzima bwe bwanyuma…

Mbere y’uko atabaruka, Chaplin yaje gukorera uruzinduko mu gihugu cya Leta zunze ubumwe z’Amerika  mu mwaka wi 1972 ubwo yari agiye guhabwa igihembo cy’ishimwe nku wagize uruhare mu iterambere rya Cinema. uru rugendo rukaba rwarabayeho nyuma y’imyaka igera kuri itanu ngo Chaplin ashyire hanze filime ye yanyuma yakoze ari yo “A Countess from Hong Kong” mu mwaka wi 1967 ari yo izirikanwaho nka filime rukumbi iri en couleur uyu mugabo yasize ku isoko dore ko izindi zose zari muri Noir Blanc.

Mu mwaka wi 1975 Chaplin yaje kwakirwa n’umwamikazi w’Ubwongereza Elizabeth mbere y’uko imyaka ibiri ishira ubuzima bw’uyu mugabo bugera ku musozo.

Mu masaha ya mugitondo ku munsi wa Noheli mu mwaka wi 1977 yaje gushiramo umwuka ari iwe murugo aho yari atuye mu gihugu cya Suisse. Umufasha we Oona ndetse n’abana be barindwi bari iruhande rw’uburiri bwe mu gihe yari atabarutse.

Gusa benshi mu bantu bakomezaga gushimangira ko ashobora kuba ari igice cya filime ye ari gukina bitari ukuri ko uyu mugabo yaba yatabarutse, nyuma yaho gato umurambo we waje gushimutwa n’abagabo bifuzaga ko bahabwa $400,000 gusa abo bagabo ntibyaje kubahira kuko baje gutabwa muri yombi na polisi umubiri wa Chaplin uza gushyingurwa nyuma y’ibyumweru bigera kuri 11 byose atabarutse.

Hari amwe mu magambo y’ubwenge yasizwe avuzwe n’uyu mugabo abantu bakigenderaho mu buzima bwabo bwa buri munsi harimo:

  1. “Ukenera imbaraga mu gihe gusa wifuza ikintu kitari cyiza naho ubundi urukundo rurihagije ngo rutume buri kimwe gikorwa.”
  2. “Itekerezeho byibuze rimwe mu buzima bitari ibyo ushobora guhomba byendagusetsa y’akataraboneka kuri iyi isi.”
  3. “Twese twifuza gufashanya. inyokomuntu n’uko iteye. twifuza ko twabana na buri muntu mu munezero we, bitari na buri muntu mu makuba ye.”
  4. “Sinkeneye ibisindisha ngo mbe uwa agatangaza, ntuzakenere uwa agatangaza ngo ube umuntu, ariko nkeneye inseko yawe ngo nishime.”
  5. “Ubuzima ni umukino utemera igerageza. kubw’ibyo ririmba, urire, ubyine, useke ndese ubeho nkuko ubyifuza mbere y’uko burangira utabona uko ubutakambira.”
  6. “Umuntu nyawe uzamumenya mu gihe yasinze.”
  7. “Nta gahoraho kuri iyi isi, yewe habe n’imibabaro igira iherezo.”
  8. “Indorerwamu niyo nshuti magara ngira, kuko iyo ndize yo ntiseka.”
  9. “Guseka byuzuye, bisaba ko wakira ububabare bwawe maze ntubwiteho.”
  10. “Uzamenya ko ubuzima bukiri bwiza, mu gihe uzamwenyura.”

Leave a Reply