Ese Salax Award yarengeye he?

0
486

Salax Award ni ibirori byo gutanga ibihembo ku byamamare bitandukanye biba byaritwaye neza, aho bahemba abahanzi, aba Producer, Abakinnyi, indirimbo zihiga izindi n’ibindi byinshi binyuranye.

Ese Salax Award yarengeye he?

Salax Award itegurwa na Ikirezi Group ihagarariwe na Emma Claudine, mu minsi ishize nibwo batangaje abazahatanira ibi bihembo bari mu byiciro binyuranye, ndetse bamwe bahise basezera ku mpamvu zabo bwite.

Byari biteganyijwe ko ibi bihembo bizatangwa tariki ya 23 Ukuboza 2016, gusa nyuma aya ma tariki ntiyubahirizwa bavuga ko bizatangwa mu ntangiriro z’ukwezi kwa Mutarama 2017 kugeza nubu ntago biratangwa.

salax award igezehe
Abahanzi nabo ubwabo bararambiwe kubera Salax Award ijyenda nk’akanyamasyo

Abantu benshi bakomeje kwibaza niba bizaba cyangwa se bitazaba, Touchrwanda tugira amatsiko yo kuvugisha Emma Claudine uhagarariye Ikirezi Group ishinzwe gutanga ibi bihembo kugirango atubwire ukuri guhari niba ibi birori bizaba cyangwa se byarasubitswe burundu.

Emma Claudine uhagarariye Ikirezi Group
Emma Claudine uhagarariye Ikirezi Group itegura Salax Award

Mu kiganiro yagiranye na Touchrwanda yagize ati “Ntago twatangaza niba bitazaba kuko turacyarimo gushaka igisubizo nitumara kumenya neza umwanzuro tuzawutangaza vuba aha”

Ubwo bamwe mu bategereje ibi birori ntarirarenga kuko isaha n’isaha bishobora kuba cyangwa se ntibibe.

Leave a Reply