Gereza ya Kimironko yafashwe n’inkongi y’umuriro, humvikana n’urufaya rw’amasasu

0
1060

Gereza ya Kimironko iherereye mu karere ka Gasabo mu gitondo cyo kuri uyu wa Gatanu yafashwe n’inkongi y’umuriro abagororwa bamwe bashaka gutoroka abacunga gereza barasa hejuru.

Ahagana ku isaha ya saa Mbiri n’igice zo kuri uyu wa Gatanu tariki 31 Werurwe nibwo abantu babonye umwotsi mwinshi cyane uzamuka uva muri gereza ku gice kimwe cyayo.

Nkuko bamwe mu baturage baturiye hafi y’iyi gereza babitangaza ngo humvikanye amasasu aho abacunga gereza bageragezaga guturisha abagororwa bashakaga gutoroka.

Abagororwa n'abakozi mu madirishya mu gihe hari ibikorwa byo kuzimya umuriro imbere

Ibi bice byafashwe n’inkongi y’umuriro ni ibyegereye umuhanda, urwego rwa polisi y’igihugu rukaba ruri  gukora ibishoboka byose ngo bahagarike uyu muriro utarasatira ibindi bice.

Kugeza kurubu ibyangijwe n’iyi nkongi y’umuriro ntibiramenyekana ingano yabyo.

Uretse gereza ya Kimironko yibasiwe n’inkongi y’umuriro mu mezi atatu ashize nabwo gereza ya Nyarugenge nayo yibasiwe n’inkongi y’umuriro byaje bikurikira gereza ya Rubavu ndetse na Muhanga.

Leave a Reply