Ghana: Abantu20 bahitanwe n’ihanuka ry’igiti

0
322

Abagera kuri makumyabiri bahitanwe n’ihanuka  ry’igiti muri Ghana, abandi barakomereka hafi y’umugezi wa Kintampo ubwo barimo boga.

Abantu makumyabiri bahitanwe n’igiti
Abantu makumyabiri bahitanwe n’igiti

Iyi mpanuka yabaye harimo abanyeshuri na ba mukerarugendo ndetse n’umuyobozi ushinzwe iby’ubukerarugendo wari kumwe n’abo banyeshuri.

BBC dukesha iyi nkuru yatangaje ko uko guhanuka kw’iki giti cyinini byaba byatewe n’umuyaga mwinshi ngo kuko cyaguye imvura itangiye kugwa.

Uhagarariye abashinzwe iby’inkongi muri Ghana yabwiye AFP ko abanyeshuri 18 bahise bapfira aho impanuka yabereye abandi 2 bapfira kwa muganga ,abandi 11 bakaba bari kuvurirwa mu bitaro bya Kintampo Munical Hospital.

Abo banyeshuri bakaba ari abo ku kigo cyitwa Wenchi Senior High School.

Umwe mu batangabuhamya wabonye uko impanuka yagenze  yabwiye Ghana star news ko abenshi mu bagizwe ho ingaruka n’iyi mpanuka, ari abanyeshuri ,hakaba hari na ba mukerarugendo na bo bangijwe n’ihanuka ry’iki giti.

Minisitiri ushinzwe ubukerarugendo muri iki gihugu Catherine Abelema Afeku  yihanganishije ababuriye ababo muri iyi mpanuka.

 Ntakirutimana Domina

 

Leave a Reply