Haracura iki nyuma yaho Koreya ya Ruguru igeragereje ibisasu bya kirimbuzi mu mazi y’Abayapani?

0
271

Koreya ya Ruguru mu rukerera rwo kuri uyu wa Mbere yongeye igerageza ibisasu byayo kirimbuzi ndetse bimwe bigwa mu mazi agengwa n’Abayapani ibintu byaciye igikuba ubwo bamwe mu basirikare ba Koreya y’Amajyepfo bagwaga mu kantu bari mu myitozo ya gisirikare hafi y’ikirwa gihana imbibi n’igihugu cy’Ubuyapani.

Koreya

Iri geragezwa ry’ibitwaro kirimbuzi rije nyuma y’ukwezi kumwe gusa Kim Jong Un perezida wa Koreya ya Ruguru agerageje ikindi gisasu cya kirimbuzi yatangaje ko gifite ubushobozi bwo kuba bwarimbura burundu Leta zunze ubumwe z’Amerika ndetse n’inkuru y’uko ari inyuma y’urupfu rw’umuvandimwe we.

Uyu mwuka mubi n’ubundi wari hagati y’uyu mugabo ndetse n’ibihugu by’ibihangange ku isi byirinze kugira byinshi bitangaza bikaba imbarutso y’intambara yeruye nyuma yo gukoma rutenderi akagwisha ibisasu mu mazi y’Ubuyapani ibintu bitabasha kwihanganirwa ngo baceceke.

Nkuko The Washington Post dukesha iyi nkuru ibitangaza umunyamerika w’inzobere mu bya gisirikare cya Koreya ya Ruguru Bruce Bennet yagize ati: “Buri mwaka igihe nki iki, bagerageza gukora ikintu cyabera inkomyi imyitozo ya gisirikare, kurubu rero, ndatekereza ko bashaka kuburira Ubushinwa ko iburizwamo ry’iyoherezwa rya nyiramugengeri bizaba ikibazo gikomeye.”

Kuri uyu munsi bakaba barekuye ibisasu bigera kuri bine ahagana ku isaha ya saa 7:36 za mugitondo hafi y’umupaka ubahuza n’Ubushinwa maze biruhukira mu mazi agabanya Ubuyapani ndetse na Koreya y’Amajyepfo.

Minisitiri w’Intebe wa Koreya y’Amajyepfo akaba yahise atumiza inama y’igitaraganya n’inzego zishinzwe umutekano maze atangaza ko iki gikorwa ari ubushotoranyi bweruye budashobora kwihanganirwa kuba iki gihugu cyaranze kumvira imiryango mpuzamahanga ikaba ikomeje kubangamira umudendezo wa Koreya y’Amajyepfo.

Leave a Reply