Havumbuwe imbwa zifite ubushobozi bwo gupima uburwayi bwa cancer

0
145

Ubu bushakashatsi bwakozwe n’ikigo gishinzwe gukora ubushakashatsi ku ndwara ya Cancer giherereye mu gihugu cy’Ubufaransa kizwi ku izina rya l’Institut Curie cyaje kuvumbura ko imbwa ishobora kwitabazwa mu gupima uburwayi bwa cancer.

Imbwa zikoreshwa mu buvuzi

Ni ubushakashatsi bwakozwe ku bagore bagera ku 1000 bose aho imbwa zikora isuzuma ku burwayi bwa cancer yo mu ibere ikunze kwibasira cyane igitsina gore aho izi mbwa zumva impumuro ituruka muri iryo bere umugore avuga ko rifite uburibwe budasanzwe zikabasha gutangaza ko ari cancer afite cyangwa se ari uburibwe busanzwe.

Thor na Nykios kurubu nizo mbwa zimaze kwerekana ko zimaze kugira inararibonye mu kuvumbura ubu burwayi bwa cancer yo mu ibere umwe mu bazirebera hafi Isabelle Fromantin akaba yaratangaje ko izi mbwa zidasanzwe nk’izindi zose kuko nazo zikora akazi katoroshye biturutse ku masomo zagiye zimenyerezwa mu mikurire yazo.

Ubu bushakashatsi bwakozwe kuri izi mbwa bukaba bwaratwaye akayabo kagera ku mayero 50,000 buri mwaka.

Isabelle Fromantin usanzwe ukora umwuga w’uburwaza watangije ubu bushakashatsi akaba yaratangarije le Figaro dukesha iyi nkuru agira ati: “Gukoresha ubushobozi bw’imbwa mu gutahura cancer bwari uburyo bumwe mu buryo bundi nari mfite gusa nza gusanga aribwo bushobora gutanga umusaruro.”

uyu murwaza Isabelle akaba yarakoreye ubu bushakashatsi bwe ku mbwa nyuma yaho amaze gutahura ko imbwa zigira ubushobozi bwinshi bwo guhumurirwa aza kuba aricyo kintu cya mbere aheraho aba arizo ahitamo.

Leave a Reply