Ibya Trump byo gufashisha abakene umushahara we buriya ntibyari igipindi cy’amatora?

0
173

Nyuma y’amatora y’umukuru w’igihugu cya Leta zunze ubumwe z’Amerika Trump yavuze ashize amanga ko ikimuzanye ari ukuzahura Amerika atari umushahara, ndetse n’ikimenyimenyi ko uwo azajya agenerwa wose azajya awukoresha mu bikorwa by’urukundo.

Donald Trump
Perezida Donald Trump niwe mukire wa mbere mu mateka y’abayoboye Amerika

Mu busanzwe umukuru w’igihugu cya Leta zunze ubumwe z’Amerika akaba agenerwa akayabo kangana n’ibihumbi 400$ buri kwezi nku mushahara ku bwo akazi akora gusa umuherwe Donald Trump akaba yarahakanye yivuye inyuma ko ikimuzanye atari ugukama igihugu cye ko ahubwo ashaka kongera akakigira igihugu cy’igihangange na none ndetse ko ni ikimenyimenyi umushahara wose azajya awugenera abababaye mu bikorwa by’urukundo.

Ikinyamakuru The Independent dukesha iyi nkuru kikaba cyaratse umunyamabanga we Sean Spicer ko yabereka uburyo urupapuro rugaragaza uko amafaranga yahererekanwe ndetse n’uburyo yashyikirijwe abababaye gusa ntiyabasha kurubona.

Trump koko iyaba yari agamije gutanga umushahara we nkuko yabivuze mbere gato yuko atsinda amatora yakabaye yarahawe agahimbazamusyi ku kwezi kangana 33,333$ mu kwezi kwa Mutarama uyu mwaka ndetse akazabona akandi kangana gutyo mu mpera z’uku kwezi kwa Werurwe turimo.

Mu kiganiro yahaye igitangazamakuru cya televiziyo CBS nyuma y’iminsi ibiri gusa atsinze amatora, yagize ati: “Nta mushahara!”

Uyu muherwe wo kurwego rwo hejuru, yagize ati: “Ndatekereza ko itegeko rimbwira ko byibuze nafata i dorali rimwe, ndumva ntacyo nzajya ndifata byibuze rimwe mu mwaka… Hoya nako sinzigera mfata umushahara wanjye.”

Sarah Huckabee Sanders usanzwe nawe akora mu bunyamabanga muri White house yabwiye ikinyamakuru Politifact, agira ati: “ Asabwa (Trump) kubona inyemezabwishyu ko yishyuwe ariko ashobora kuyisubiza cyangwa akayitanga.” Gusa kugeza magingo aya akaba nta rupapuro na rumwe rugaragaza ibyakozwe ruragaragara.

Mu bandi bayoboye Amerika banze ko bajya bahabwa imishahara yabo barimo Herbert Hoover, John Kennedy hamwe na George Washington kurubu babarurirwa ku rutonde rw’aba Perezida icumi bakize bi ibihe byose muri Amerika.

Gusa muri bose ufite menshi ariwe George Washington ufite agera kuri Miliyoni 580$ Trump amukubye inshuro nyinshi kuko afite agera kuri Miliyari 3.7$ w’umutongo mbumbe we ibi bishatse kuvuga ko yahabwa umutungo cyangwa atawuhabwa umushahara wa Trump ugereranyije n’umutungo we ungana na 0.01 ku ijana.

 

 

 

 

 

 

 

 

Leave a Reply