Icyasha k’uwari minisitiri w’intebe w’Ubufaransa utangiye gukorwaho iperereza

0
271

Uwari minisitiri w’intebe w’Ubufaransa François Fillon ubwo iki gihugu cyayoborwaga na Nicolas Sarkozy kurubu akaba ari umwe mu bakandida biyamamariza umwanya w’umukuru w’igihugu akurikiranweho ibyaha byo kunyereza amafaranga ya leta abinyujije mu guhimba akazi ka baringa.

François Fillon

Fillon akaba ahagarariye ishyaka ry’Aba republicains mu matora y’umukuru w’igihugu azaba uyu mwaka, kuva mu mwaka wi 2007 kugeza 2012 yari minisitiri w’intebe w’iki gihugu.

Agitangira kwiyamamaza Fillon akaba yari umwe mu bahabwaga amahirwe menshi yo kuyobora iki gihugu gusa kubera amanyanga yatahuwe ndetse hagiye avumburwa n’andi menshi yagize ubwo yari akiri ku mirimo ye, ubwo umugore we n’umwana we yabahembaga amafaranga ya leta binyuze mu kubagenera akazi ka baringa mu nteko ishinga amategeko y’iki gihugu.

Uyu mugabo w’imyaka 63 y’amavuko, kuri uyu wa kabiri inzego zishinzwe iperereza zikaba ryatangiye kumukoraho iperereza ku byaha ashinjwa ngo abiryozwe ni bimuhama.

Uretse ibi birego byo kugenera imishahara umuryango we akurikiranweho kandi kuba yarasesaguje umutungo w’igihugu mu nyungu ze bwite aho bivugwa ko kugeza mu mwaka wa 2012 mbere y’uko manda ye irangira hari akayabo ka amayero agera mu bihumbi 50 yatakaje mu kugura imyambaro ndetse n’amakoti ye mu buryo bunyuranijwe n’amategeko.

Nubwo mu gutangira kwiyamamaza ari umwe mu bahabwaga amahirwe menshi yo kuzatsinda aya amatora, Abafaransa benshi barimo n’abo mu ishyaka rye bamukuyeho amaboko ndetse nta ni cyizere cy’uko azarenga icyiciro cya mbere cy’amatora kizaba muri Mata uyu mwaka.

 

 

 

Leave a Reply