Ihagarikwa ry’amafaranga ya sitaje (stage) ihurizo rikomeye ku banyeshuri bimenyereza kwigisha

0
283

Abanyeshuri bo mu kigo nderabarezi cyahoze cyitwa KIE, babangamiwe bikomeye no kuba batakibona amafaranga bahabwaga mu gihe cyo kwimenyereza,kizwi mu rurimi rw’amahanga ku izina rya stage.

ishami ry'uburezi rya rukara(photo/internet)
Ishami ry’Uburezi rya Rukara (photo/internet)

Aba banyeshuri biga muri iki kigo bemeza ko hari ingaruka nyinshi biteza kubera kudahabwa aya mafaranga, aho bavuga ko aya mafaranga ya sitaje afatiye runini abanyeshuri mu gukora igendo, dore ko bavuga ko sitaje bayikorera hanze y’ikigo kandi bakaba bakenera no kubaho mu gihe cya stage. Bamwe mu banyeshuri babashije kuvugana na touchrwanda.com bavuze ko  uhereye umwaka ushize batarahabwa amafaranga ya sitaje(stage)m ndetse bakaba baragerageje kubaza ababishinzwe mu kigo bakabakurira inzira ku murima ntibanababwire impamvu.

Kamurinda Ingabire Victoire umunyeshuri wiga mu cyahoze ari KIE yagize ati “Kuva umwaka ushize nta na rimwe turahabwa amafaranga ya sitaje(stage). Yewe twabajije n’ababishinzwe mu kigo badukurira inzira ku murima, ariko ntibatubwira impamvu. Kandi mu by’ukuri aya mafaranga yafashaga umuntu cyane cyane nko mu gendo ujya aho ukorere sitaje ndetse n’ibindi bikenewe mu gihe cyo kwimenyereza umwuga” .

Karuranga Jane ushinzwe abakozi  yabwiye touchrwanda ko iki kibazo akizi ariko ntacyo yatangaza,  ko hari abantu bashinzwe abanyeshuri ari bo bazi amakuru yose,

Yakomeje avuga ko umuyozi mukuru w’iri shuri ry’uburezi ko ari we ufite igisubizo. Gusa na we ntibyadukundiye kuvugana na we kuko ngo yagiye mu nama.

Ubusanzwe aba banyeshuri bo mu ishuri nderabarezi batangira sitaje(stage) bageze mu mwaka wa Kane ari na wo wa nyuma, bakayimaramo igihe kingana n’umwaka.

Yanditswe na Janvier Hakizimana  

Leave a Reply