Ingengo y’imari izifashishwa mu matora yamenyekanye

0
125

Mu gihe mu kwezi kwa munani hategerejwe igikorwa cy’amatora  y’umukuru w’iguihugu, kuri ubu ibikoresho bizifashishwa mu matora ndetse  n’ingengo y’imari yayo yamaze gutegurwa.

Minisitiri w’Ubutegetsi bw’igihugu Francis Kaboneka
Minisitiri w’Ubutegetsi bw’igihugu Francis Kaboneka

Minisitiri w’Ubutegetsi bw’igihugu Francis Kaboneka, avuga ko u Rwanda aricyo gihugu gikoresha ingengo y’imari nto mu matora ugereranyije n’ibindi bihugu.

Yagize ati”Si ukwirarira u Rwanda nicyo gihugu gikoresha budget ntoya mu matora ugerarinyije n’ibindi bihugu dukoresheje wa mwimerere wacu ujyanye n’ubukorerabushake, aho abanyarwanda bose babijyamo bakabigira ibyabo. Icya kabiri ni no gufata neza ibiba byarakorehsejwe mu matora aba yararangiye buriya hari ibikoresho bikoreswaha bitarangira uwo munsi bikabikwa,  kugira ngo n’andi matora azaza bizashobore gukoreshwa navuga nk’amasanduku y’itora tuyafata neza tukayakoresha  tukabika,  icyiro kindi cyazaza tukaba twayakoresha ibyo bikagabanya ku mafaranga  twakagombye kuba dutakaza. Hari na ziriya za ink ziriya abantu bateramo intoki iyo batora izasagutse tuzifata neza na zo tukazikoresha”

Uretse ibi bikoresha biba byarafashwe neza bikazakoreshwa mu matora aba ateganyijwe imbere, Minisitiri Kaboneka avuga ko uyu mwaka amatora azagendaho amafaranga atarengeje miliyari eshanu, kandi ngo zamaze gushyirwa ku ruhandae ku buryo nta kibazo cy’amafaranga y’amatora gihari.

Yagize ati:”Muri uyu mwaka rero budget dufite ntabwo irenze miliyari eshanu z’amanyarwanda, ari na yo ifitwe na komisiyo y’amatora, ayo ngayo azakoreshwa mu bukangurambaga bwatangiye  Civic Education, gukangurira abanyarwanda kwitabira amatora  akazakoreshwa na none kugura bimwe mu bikoresha tudafite cyangwa byashaje akazakoreshwa na none na list  abakandida baba biyamamaje y’itora kwa kundi baba biyamamaje amafoto afotorwa, hanyuma n’impapuro z’itora  kandi aya mafaranga yose ni reta y’u Rwanda izayatanga arahari muri budget dufite”.

Uretse aya mafaranga azatangwa biteganyijwe ko hari ibikorwa bizakorwa mu buryo bw’ubukorerabushake, harimo  nko kubaka ahagomba kubera ibikorwa by’amatora mu rwego rwo gushishikariza abaturage kugira igikorwa cy’amatora icyabo.

Nkurunziza Pacifique/touchrwanda.com

Leave a Reply