Kacyiru: Afunzwe azira gukuramo inda

0
340

Kuri  satasiyo   ya police ya  Kacyiru    hafungiwe   umugore witwa  Uwera Juliene  w’imyaka  29  y’amavuko   ukomoka  mu  karere   ka  Kamonyi ukekwaho  icyaha  cyo  kubyara  umwana akamuta  mu  bwiherero  by’ ibitaro   bya Kacyiru mu  Karere ka Gasabo aho  yari  yaje  kwivuriza.

Ibi bikaba byabaye ku  gicamunsi  cyo  kuri  uyu  wa Gatanu ubwo uyu  mubyeyi yari yaje kuri  ibi  bitaro   aje  kwivuza nkuko  bisanzwe   kuko  yaratwite  inda  ya  mezi  ya  7 ariko  nyuma  akaza    kujya  mu  bwiherero agahita  akuramo  inda,  umwana  akamuta  mu  bwiherero  bw’ibi  bitaro,  nkuko  bisobanurwa    n’umuyobozi  w’ibitaro  bya  Kacyiru Dr Rutagengwa William ati”Yaje aje kwivuza nk’abandi bose avuga ibibazo afite tumufasha nk’abandi bose, kubera hari ibipimo bari bamufatiye mu gihe yari akibitegereje  ajya mu bw’iherero bw’ibitaro abyariramo umwana gusa uteri ugejeje igihe cyo kuvuka kuko yari yaje nta bimenyetso byo kubyara afite, abantu bakora isuku babona amazi arimo guturuka mu bwiherero bagiyeyo bahura n’uwo mudamu asohokamo ariko umwana bamukuramo yamaze gupfa”.

Umuvugizi  wa  Police   y’u   Rwanda mu  mujyi wa  Kigali   SP  Emmanuel  Hitayezu yadutangaije  ko  uyu  mugore  yamaze  gutabwa muri  yombi  akaba acumbikiwe  kuri  station  ya  Police  ya  Kacyiru aho yavuze ati”yahise afatwa hahita hatangira igikorwa cy’iperereza, nibwo baje gusanga koko ari uwo mudamu, barangije babimenyesha inzego z’umutekano ariko ubu akaba afungiwe kuri police station ya Kacyiru aho akurikirwanweho icyaha cyo gukuramo inda”.

Ubusanzwe umuntu uhamwe n’icyaha cyo gukuramo inda ahanishwa igihano cy’igifungo cy’umwaka umwe kugera ku myaka itatu n’ihazabu y’amafaranga y’u Rwanda kuva ku bihumbi 50 kugera ku bihumbi 200.

Leave a Reply