Karrueche Tran arifuriza ibintu bitari byiza namba Chris Brown

0
2319

Karrueche Tran wahoze ari umukunzi w’umuhanzi w’icyamamare ku isi mu injyana ya RNB Chris Brown aravuga ko yiteguye kumutwara mu rukiko kuri uyu wa kane w’iki cyumweru ku mpamvu zuko akomeje kumugendaho.

Karrueche Tran arifuriza ibintu bitari byiza namba Chris Brown

Uyu mukobwa wahoze ari umukunzi wa Chris brown gusa bakaza gushwana kubera ko hari hashize iminsi hari ibyo batumvikanagaho bikaba byarabateye gutandukana burundu.



Kuri ubu Karrueche aravuga ko nyuma yaho atundukaniye na Chris Brown, Chris we bitamubijije gukomeza kumugendaho, kandi we akaba atagishaka ko yakongera kugirana umubano n’uyu muhanzi none akaba yafashe umwanzuro wo kumujyana mu rukiko kugirango arenganurwe ndetse asaba ko Chris brown yajyanwa kure ye kugirango arebeko yabona amahoro kandi, yabwiye urukiko kandi ko bitabaye ibyo ejo cyangwa ejo bakumva yishwe kandi yishwe n’uwahoze ari umukunzi we kandi yari n’inshuti magara.

Aganira n’ikinyamakuru TMZ cyo muri leta zunze ubumwe za Amerika dukesha iyi nkuru yavuzeko we ubusanzwe yari yarihanganiye imibanire ye na Chris Brown, kandi akagerageza uko ashoboye kose kugirango amushimishe ariko Chris we akabona ko ntacyo bimaze ntabihe agaciro bikaza no kuvamo intandaro yo kutumvikana hagati yabo.

Gusa akavuga nubwo batandukanye abonako Chris akomeje kumugendaho cyane kandi we nta gahunda afite yo kongera kugirana ubushuti nuyu musore, ibyo bikaba aribyo byamuteye kwandikira urukiko arusaba ko bamuhungisha uyu musore kuko yabonye bishobora kumugendekera nabi akaba yanagirirwa nabi nuyu muhanzi kuko bimaze kuba ubugira gatatu uyu muhanzi ashaka kumwivugana.

chris brown na karrueche tran
Chris Brown na Karrueche Tran bagikundana



Ikinyamakuru TMZ kandi kiravugako Umucamanza yahise aha itegeko ryihuse Chris Brown ry’uko agomba kugendera kure  Tran, nyuma yuko mu nyandiko y’uyu mukobwa yavuze ko Chris Brown yagerageje kumurasa ariko Imana igakinga ukuboko ntabashe kumuhamya amasasu kandi akabwira inshuti ze ko azamwirasira we ubwe ku igiti cye, ibi kandi bikaba bimuteye ubwoba bwinshi bw’uko ashobora kwica cyangwa akagirirwa nabi nkuko yagize umuhanzi Rihanna.

Gusa ku ruhande rwa Chris Brown we aravuga ko ibyo uyu mukobwa avuga byose ari ibinyoma kuko ntanarimwe yigeze ashaka kumugirira nabi, akavuga ko ari ukumuharabika gusa.

Gusa urukiko rwo rwateye uyu muhanzi utwatsi ndetse rumusaba kugendera kure uyu mukobwa mu igihe kingana ni imyaka igera kuri itatu mu igihe bakiri mu iperereza ngo naho ubundi bitabaye ibyo azashyirwa muri gereza.

Yanditswe na Gatera Daniel



Leave a Reply