KENYA: Abaganga bamaze kwemeranywa na leta kurangiza imyiharagambyo

0
88

Mu gihugu cya Kenya abaganga, Ministeri y’Ubuzima hamwe n’ubuyobozi bw’iki gihugu, bamaze kugera ku masezerano yo kurangiza imyigaragambyo yari imaze iminsi igera ku 100 muri iki gihugu.

Akanama k’abanyamategeko muri leta hamwe na Ministeri y’ubuzima kuri uyu wa kabiri, babwiye abacamanza ko ku isaha ya saa sita kuri uyu wa 14Werurwe2017, bagomba kuba bagejeje mu rukiko inyandiko y’amasezerano yemeranyijweho igaragaza uko bagiye gusubira mu kazi kabo.

Daily Nation dukesha iyi nkuru ivuga ko abaganga bari bashyikirije urukiko inyandiko y’agateganyo,  igaragaza ko bemeye gusubira mu kazi kuri uyu wa mbere  ariko leta yo yari itaremera ubusabe bwabo.

umunyamategeko Waigi Kamau muri Ministeri yabwiye abacamanza barimo  Hannah Okwengu, Martha Koome na  Jamilla Mohammed  ko leta y’iki gihugu yari ikiri mu nzira yo kunoza izi nyandiko zemerera abaganga gusubira mu kazi.

Bwana Kamau yatangaje ko izi nyandiko z’agateganyo z’abaganga leta itari yagize byinshi izikoraho mu gihe yari itegereje ko inyandiko y’umwimerere cyangwa umwanzuro ufatirwa hamwe maze impande zombi zigashyiraho umukono. Abacamanza bashimiye byimazeyo izi mpande zombi nyuma yo kugera ku bwumvikane.

Aba baganga basabye ko kandi urukiko rwategetse leta kubishyura umushahara wabo w’amezi atatu mu gihe  cyose bamaze bigaragambya kuva mu Kuboza umwaka ushize kugera uyu munsi.

Kuri uyu wa mbere abacamanza bashimangiye ko impamvu nyamukuru yateye aba baganga kwigaragambya, yari itaracyemuka nuko basaba impande zose byarebaga ko bakumvikana bagatabara abarwayi bari kuhababarira

Yanditswe na Schadrack Mukeshimana

Leave a Reply