Kenya: Abashimusi b’amahembe y’inzovu bishe umurinzi w’inyamanswa undi arakomereka

0
124

Mu gitondo cyo kuri uyu wa gatandatu, umurinzi w’inyamanswa muri Kenya yishwe arashwe n’abashimusi b’amahembe y’inzovu undi arakomereka ku mugezi wa Tana.

Amahembe y’inzovu yarashimuswe
Amahembe y’inzovu yarashimuswe

Mu makuru dukesha ikinyamakuru The Star avuga ko umuvugizi w’abarinzi b’inyamanswa muri Kenya, Paul Udoto yavuze ko ba rushimusi bane na bo baguye muri iyo mirwano ubwo abarinzi bagerageza kubatesha ayo mahembe. Udoto yatangarije ikinyamakuru The Star kandi ko babashije kurokora imbunda ebyiri n’amasasu 35 ndetse n’amahembe abiri.

Umuvugizi yongeyeho ko no kuri uyu wa gatanu ushize, ba rushimusi babiri na bo barashwe n’abarinzi b’inyamanswa ubwo bari bari kubungabunga umutekano wazo, ndetse umwe mu barinzi akaba yarahakomerekeye akajyanwa n’indege kuvurizwa i Nairobi mu murwa mukuru wa Kenya.

Yanditswe na Janvier Hakizimana

Leave a Reply