Kenya: Visi prezida yemeye gutanga indege ye mu rwego rw’ubutabazi

0
96

VISI Prezida w’igihuhu cya Kenya, William Ruto kuri uyu 07 Werurwe 2017 yemeye gutiza indege ye ngo ifashe abaturage batatu barashwe n’amabandi barakomereka, mu gace ka Laikipia mu rwego rwego rw’ubutabazi.

William Ruto yemeye gutiza indege ye abaturage batatu barashwe n’amabandi
William Ruto yemeye gutiza indege ye abaturage batatu barashwe n’amabandi

William Ruto ibi yabivugiye muri Hoteli ya  Rumuruti aho yarayoboye inama y’umutekano, asaba ko hakifashishwa indege ye mu gutwara aba barwayi kwa muganda i Nairobi kugira ngo babone uko bahabwa ubuvuzi bwihuse  kandi bwisumbuye.

Daily Nation yatangaje ko kuri uyu wa mbere ku mugoroba aribwo aya mabandi yarashe Rose Karuru umubyeyi w’imyaka 25 y’amavuko wari utwite inda y’amezi arindwi, hamwe n’abana be b’abahungu babiri, umwe w’imyaka 5 undi w’imyaka 8 ubwo bari bibereye mu rugo mu gace ka Arjijo mu majyaruguru  ya laikipia.

Paul Shuel umwe mu bagize inteko rusange y’abaturage muri Mukogodo, yatangaje ko uyu muryango wari uryamye ubwo waterwaga n’abajura. Biravugwa ko uyu mubyeyi waharenganiye yakomeretse bikabije ku kuguru ndetse n’urutugu mu gihe aba bana b’abahungu bakomerekejwe amaguru ndetse no mu gatuza. Gusa ise w’aba bana we biravugwa ko yabashije gucika iki gitero cy’abagizi ba nabi.

Aba barwayi bakuwe ku bitaro bya  Nanyuki berekezwa i Nairobi guhabwa ubuvuzi bwisumbuye, ari nako iyi ndege yo mu bwoko bwa hericopter yahise ko igaruka gutwara Nyakubahwa Ruto mu kandi gace kamamayeho umutekano muke kitwa Baringo.

Yanditswe na Schadrack Mukeshimana

Leave a Reply