Kicukiro: Abazwi nk’ABARYAKARIHO ngo bakomeje kwibasira igishanga cya Kajeke bagicukura

0
560

Abaturage bahinga igishanga cya Kejeke mu murenge wa Niboye mu karere ka Kicukiro, bahangayikishijwe n’abaturage bazwi ku izina ry’Abaryakariho, baza gucukura umucanga muri icyo gishanga, ngo babatunga agatoki bakabashyiraho iterabwoba.

abaturage bahinga igishanga cya Kajeke
abaturage bahinga igishanga cya Kajeke

Aba bacukuzi b’umucanga bahawe izina ry’akabyiniriro ry’Abaryakariho, ngo baraza bakikorera umucanga uba mu gishanga cya Kajeke aho bawukuye kuzongera kwera bikaba ihurizo rikomeye ku baturage bimbuye muri koperative Abunzubumwe.

Bamwe mu banyamuryango baganiye na touchrwanda bavuze ko ikibazo bakigejeje mu nzego z’ubuyobozi bubegereye, ariko ntihagire icyo babamarira.

Bati”imbogamizi dufite ni iy’abanyamucanga ubu hano uyu mumama ahagaze hari umurima  twahingaga, hose tukahahinga neza abanyamycanga nibo bahagize gutya hari ahantu henshi turi guhinga ntihere baza bagakuramo  nk’iyi fumbire twashyizemo, twababwira ati ibi bintu muri kudukorera ni ibiki ngo nimutwegere tubakubite  ibitiyo  tubice mwa bukecuru mwe.  Ni ikibazo gikomeye abanyamucanga baratuzengereje cyane, ikibazo abayobozi barakizi noneho twahamagara hejuru ku murenge bakatubwira ngo niturebe abadasso, abadasso twamara kubageraho tugakurikirana ba bantu bacukura umucanga tukamenya urugo barumennyeho,  rwa rugo barumennyemo nirwo dukurikirana twamara kuhageza DASSO, DASSO agakingira nyir’inzu ikibaba ha handi dusanze bamennye umucanga  twebwe iyo tumze kugenda  wa wundi dusanganye umucanga afite icyo aha wa muntu twebwe nk’abahinzi bo mu gishanga  tukagira agahinda kadasanzwe”.

Meya wa kicukiro Dr Jeanne Nyirahabimana
Meya wa kicukiro Dr Jeanne Nyirahabimana

Ubuyobozi bw’akarere ka Kicukiro buvuga ko nta muntu wemerewe gucukura umucanga mu gishanga kandi ko amabwirza agenga ibishaka asobanutse neza.

Dr Madam Jeanne Nyirahabimana Meya w’akarere ka Kicukiro aragira ati:”Sinibaza ko hari umuntu wahawe uburenganzira bwo gucura umucanga aha ngaha, ni ukubikora rwihishwa  tubonye hari umuntu wangiza ntabwo twamureka abo rero bagomba kuvamo rwose n’ayo mazi ubwo ni ukubireba tukareba  niba hari uko yangiza ibijyanye n’igishanga”.

Igishanga cya Kajeke ni kimwe mu bishanga bibarirwa mu murenge wa Niboye akarere ka Kicukiro, Kajeke ikaba na yo yatangirijweho gahunda yo gutera imboga,iyi gahunda  ikazakwira  mu bishanga byose bigize Umujyi wa Kigali.

Nkurunziza Pacifique/touchrwanda.com

Leave a Reply