Kicukiro: Amafoto y’umuhango wo gutaha imodoka zatwaye akayabo ka miliyoni 170

0
1721

Ku gicamunsi cyo kuri uyu wa mbere, akarere ka Kicukiro gafatanyije n’Umujyi wa Kigali ndetse n’abaturage, katashye ku mugaragaro imodoka icumi  z’imirengeigize aka karere zizajya zifashishwa mu isuku n’umutekano.

imodoka icumi zatwaye agera kuri miliyoni 170
imodoka icumi zatwaye agera kuri miliyoni 170

Nkuko byagiye bigarukwaho n’abayobozi batandukanye bari bitabiriye uyu muhango, ngo izi modoka zavuye mu maboko y’abaturage ubwabo, ku bushake bwabo mu rwego rwo kwishakamo ibisubizo.

Meya w'Umujyi wa Kigali n'uw'akarere ka Kicukiro bataha kumugaragararo imodoka z'isuku n'umutekano
Meya w’Umujyi wa Kigali n’uw’akarere ka Kicukiro bataha ku mugaragararo imodoka z’isuku n’umutekano

Dr Madam Jeanne Nyirahabimana Meya w’akarere ka Kicukiro avuga ko izi modoka zije kunganira muri gahunda y’isuku n’umutekano ndetse ngo iki gikorwa ni igikorwa cyo kwishimirwa kuko kije kunganira imodoka y’akarere yari ishinzwe umutekano.

Yagize ati:”Mu by’ukuri iyo urebye, iyo tuvuze umutekano hari nk’igihe umuyobozi w’umurenge agera nk’ahantu  agahura n’ingorane, akabura  kubera ko nta modoka ihari hafi ategereje ya yindi y’akarere ategereje iya polisi  zigatinda no kuhagera, turatekereza dusanga ari ngombwa yuko haboneka imodoka yo ku rwego rw’umurenge ariko kubera ko nta bushobozi bwari buhari ku karere, habaho kuganiriza abaturage, abaturage ba mbere rero barayigura  n’abandi mu yindi mirenge baravuga bati ntabwo ari twe twasigara inyuma natwe tugiye kwigurira imodoka.  Ni inkunga ikomeye rero baduteye kandi ni uruhare rukomeye bagize mu mutekano wabo ndetse no mu isuku”.

Abitabiriye uyu muhango bari barangariye igikorwa
Abitabiriye uyu muhango bari barangariye igikorwa

Bamwe mu baturage baganiriye na touchrwanda.com bavuga ko izi modoka bazishimiye, kuko zavuye mu maboko yabo ndetse ngo ahabonekaga umutekano muke umusaruro ugiye kuboneka.

Bamwe bati:”Nk’ahantu haboneka umutekano mukeya nk’abantu  bakoraga ibiyobyabwenge  imodokari, iyo tuyitelefonnye mu mudugudu iraza  cyangwa se mu kagari ikadufasha muri ibyo bikorwa  by’umutekano byatejwe n’ibyo biyobyabwenge cyangwa se n’abandi bajura”.

Pascal Nyamurinda yumva ko imodoka ari urwembe
Pascal Nyamurinda yumva ko imodoka ari urwembe

Bwana Pascal Nyamurinda meya w’Umujyi wa Kigali mu ijambo rye yongeye kwibutsa ubuyobozi n’abaturage b’akarere ka Kicukiro, ko umutekano atari amagambo gusa ahubwo ari ibikorwa ndetse anabashimira ibikorwa bamaze kwigezaho mu rwego rwo kwicungira umutekano bizabafasha mu ntero n’inyikirizo y’Umujyi wa Kigali.

Yagize ati:” Muzi ko kimwe mu ntego z’Umujyi wa Kigali cyangwa se ibintu bibiri dukomeyeho cyane ari umutekano n’isuku, umutekano  n’isuku bigaragara ko hano Kicukiro  mwabikanguriwe bihagije  kuko mugiye kubishyira mu bikorwa tukaba dutekereza ko  mugiye kubifata neza,..umutekano muzi ko atari ikintu cy’umunsi umwe umutekano ugomba guhoraho, ugomba guhora witabwaho ibikoresho bikorerwa servise munabishakira abashoferi bafite discipline”.

Nyuma zamenweho amazi bashimira ubwitange bw'abaturage
Nyuma zamenweho amazi bashimira ubwitange bw’abaturage

Imodoka zatashwe ku ku mugaragararo zari zaratangiye akazi kazo gusa ntizari zimaze igihe kirerekire, izi modoka zikaba zaratwaye akayabo ka miliyoni zigera hafi ku 170.

Photo: Nkurunziza Pacifique/touchrwanda.com

Leave a Reply