Kigali: Ba nyir’imiturirwa barabe maso

0
4537

Abafite imiturirwa mu mujyi wa Kigali barakangurirwa kuba maso kuko ngo hari ibimenyetso bigaragaza ko imitwe y’iterabwoba ifite umugambi wo kugaba ibitero ku Rwanda, ibinyujije muri bamwe mu bayoboke b’idini ya islam.

hari ibimenyetso simusiga ko mu rwanda hari abantu bakora n'imitwe y'iterabwoba
hari ibimenyetso simusiga ko mu Rwanda hari abantu bakorana n’imitwe y’iterabwoba

Mu masomo polisi y’u Rwanda  yahaye ba nyir’imiturirwa yo mujyi wa Kigali   n’abazirindira umutekano yavuze ko hari abanyarwanda batangiye gukorana n’imitwe y’iterabwoba  irimo Boko Haram, Islamic State, Al Shabab na Al Qaeda.

Nubwo polisi itatangaje imyirondo ye ariko ngo hari umusore uherutse gufatwa w’imyaka 20 mu ntangiro z’ukwezi kwa Mutarama mu karere ka rusizi. Amakuru avuga ko uyu musore yaje atumwe n’umutwe w’iterabwoba wa Al Shabab aje kuneka aho abayisilamu bagera kuri 40 bari bari ubwo bafatwaga n’inzego z’umutekano kandi ngo yari yahawe imyitozo ya gisirikare, cyane ko uyu mutwe wamutumye ngo ufite umugambi wo kwihorera ku bayisilamu bagera kuri 46 bafunzwe bazira ko bagendera ku matwara y’ubuhezanguni ya kiyisilamu.

Polisi y’u Rwanda kandi ivuga ko hari umusore wundi wafashwe w’imyaka 26 na we wavuze ko yatojwe na Al Shabab, ngo aba bombi bemeje ko bari baje gutegura aho bazahera bagaba ibitero ndetse ngo bagombaga gucura umugambi w’ibitero ku musigiti uri hafi y’umujyi wa Kigali,  nyuma bakazagaba ibitero mu nyubako irimo isoko rya Nyarugenge ndetse na Nakumati. Polisi igasaba abantu barinda umutekano ku nyubako zigenda zuzura mu mujyi wa Kigali  gusaka abantu bose bagenda binjira muri izo nyubako nkuko bivugwa na ACP Rogers Rutikanga ukuriye polisi y’ u Rwanda mu mujyi wa Kigali.

Yagize ati:” Ibi bamaze kutwereka biri real, kubihagarika ntabwo utangira aruko byabaye negative, mukwiye gufata majors(ingamba) iri somo murifate murimire bunguri mugende nibashake babahe kopi sinzi niba byemewe, ariko key points(iby’ingenzi) z’ibyo bababwiye zishobora kudukiza biriya bibazo byose muzihayiratinge (highlighting) nibwo bwonyinye twakacivinga (achieving)  umutekano dukeneye”.

Polisi y’u Rwanda kandi ivuga ko hari ibimenyetso byimbitse bigaragaza ko mu Rwanda hari umugambi w’ibikorwa by’iterabwoba harimo ibitabo byafatanywe abayisilamu bikubiyemo amatwara y’ubuhezanguni,  aho ngo ibi bitabo byashyizwe mu rurimi rw’ikinyarwanda bivanywe mu rurimi rw’icyarabu.

Polisi ikomeza ivuga ko uretse gusaka abinjira mu nyubako z’umujyi wa Kigali ngo ni ngombwa ko n’imodoka zigomba kujya zisakwa no gushyiraho uburyo bwo kugenzura ibyitso.

ACP Denis Basabose ushinzwe kurwanya iterabwoba muri polisi y’igihugu  yagize ati”Nta na hamwe terrorists bari bajya kurasa badafite icyitso no kuri za airport bajya kuharasa bafite icyitso…”

Haracyari imbogamizi zituma umutekano w’inyubako udacungwa neza, by’umwihariko imibereho y’abacunga umutekano

Polisi ivuga ko hari aho usanga abashinzwe kurinda umutekano bahembwa amafaranga y’intica ntikize rimwe na rimwe ababakorehsa bakanabambura, iki kikaba kimwe mu bikibangamiye icungwa ry’umutekano mu nyubako zo mu mujyi wa Kigali ba nyiri amazu bagasabwa gufata neza abakozi bashinzwe kubacungira umutekano ku nyubako zabo.

ACP Denis Basabose ushinzwe kurwanya iterabwoba mu gipolisi cy’umujyi wa Kigali yagize ati:”Nituzajya dusanga hari kampani idahemba abakozi tuzajya tuyifungirana, ibyo mubyumve abakozi  badahembwa ni ukugufungira  ukava muri business hagasigaramo abashoboye, ubwo uba nuteza umutekano muke aho kugira ngo uwucunge”.

Ibikorwa by’iterabwoba byatangiye kumvikana mu mpera z’umwaka ushize wa 2016, aho hari abarashwe bazira kwihisha inyuma y’ibi bikorwa by’iterabwoba ndetse hakaba hari n’abandi bakurikiranywe mu nkiko.

clip sounds: Voice of America

Leave a Reply