Kiliziya gatolika yemeye gusaba imbabazi ku bwo uruhare yagize muri Jenoside

0
1033

Mu ruzinduko umukuru w’igihugu cy’u Rwanda Perezida Paul Kagame yagiriye i Vatican ahari icyicaro gikuru cya kiliziya Gaturika ku Isi, umushumba wa Kiliziya yasabiye abayoboke be imbabazi biturutse ku ruhare bagize muri jenoside yakorewe abatutsi muri Mata 1994.

Nkuko tubikesha radiyo Vatican ibiro ntaramakuru by’i Vatican byatangaje ko umushumba wa Kiliziya Ku isi Papa Francis akaba yashimangiye ibyavuzwe n’umuhire Yohani Pawulo wa kabiri mu mwaka wa 2000 aho yagize ati: “Ndasaba imbabazi ku byaha ndetse no gutereranwa Kwa Kiliziya ndetse n’abayoboke bayo, ibyakozwe n’abapadiri ndetse n’ubugizi bwa nabi bwakozwe na bayoboke bacu bagatatira umurimo w’iyogezabutumwa.”

Umushumba wa Kiliziya akaba ashavuzwa bikomeye n’ibikorwa byakozwe na bamwe mu bayoboke ndetse akaba akomezwa guterwa ishavu n’inzira karengane zazize Jenoside hamwe na bafite ibikomere byayo bakibana nabyo kuri ubu.

Perezida Kagame yeretse umushumba wa Kiliziya  ishusho y’ubumwe n’ubwiyunge Abanyarwanda bamaze kugeraho, abakoze ndetse n’abakorewe jenoside basigaye basabana ndetse bageze kure mu mishinga ibateza imbere.

Mu Umushyikirano wabaye umwaka ushize kimwe mu bibazo byagarutsweho harimo uko kiliziya Gaturika yakwemera igasaba imbabazi kuruhare rw’abayoboke bayo bagize muri Jenoside, ubu rero amazimwe akaba yakuweho umushumba wa Kiliziya akemera gusaba imbabazi ku mugaragaro mu izina ry’abayoboke be  ahagarariye.

Leave a Reply