Kirehe FC yahagamye APR FC

0
219

Ikipe ya APR FC inaniwe gukura amanota atatu mu karere ka Kirehe aho yari yakinnye n’ikipe ya Kirehe FC umukino ukaba urangiye amakipe yombi anganya ubusa k’ubusa.

Ikipe ya APR FC itamerewe neza muri iyi minsi iherutse kunganya na Musanze FC, ndetse no mu mukino wabanje yari yatsinzwe na Gicumbi FC, abafana bayo batangira kuyikemanga.

Kuri uyu wa gatandatu ubwo APR FC yari yagiye I Kirehe, ikipe ya Kirehe iyifunze amaraso maze umukino urangira banganya ubusa k’ubusa, mu mukino APR FC yakinnye idafite abakinnyi bakomeye barimo nka Rugwiro Herve, Imanishimwe Emmanuel, na Rusheshangoga.

Ibyiyi kipe ya APR FC bikomeje kuyobera abantu batari bake, bamwe bati ni ikibazo cy’umutoza, abandi bati n’ikibazo cy’abakinnyi, gusa muri rusange aho biri gupfira hayoberanye.

Undi mukino utegerejwe cyane kuri uyu wa gatandatu nuri buhuze ikipe ya Rayon Sport na Onze Createur yo mu gihugu cya Mali, ukaba uri bubere I Bamako ho mu gihugu cya Mali ku isaha ya Saa moya za hano mu Rwanda.

Leave a Reply