Mageragere: Mu minsi itarenze icumi imbwa zitazwi zimaze kurya ihene 24

0
251

Mu murenge wa Mageragere haravugwa ikibazo cy’imbwa zitazwi ziri kwirara mu matungo zikayarya, amwe agakomereka ayandi akahasiga ubuzima.

imbwa ziri kwibasira ihene umusubirizo
Imbwa ziri kwibasira ihene umusubirizo(photo/internet)

Nkuko polisi y’u Rwanda ibitangaza, ngo mu cyumweru gishize imbwa zitazwi zariye ihene 17 mu murenge wa Mageragere, ndetse no muri iki cyumweru turimo tariki ya 8 Werurwe zikaba zarongeye kwibasira ihene 7 zizisanze aho zari ziziritse zose zirapfa.

Yagize ati:” Uretse no kurya amatungo, iyo imbwa zidakurikiranwe neza na ba nyirazo, ahubwo bakazireka zikazerera hirya no hino, zishobora no kurya abaturage zihuye na bo ariko cyane cyane abana bari mu ngo cyangwa bari ahandi mu bikorwa binyuranye”.

SP Hitayezu yakomeje avuga ko hari ubwo ba nyirazo babona zishaje cyangwa se zirwaye indwara zitazakira, bakajya kuzijugunya mu mashyamba bikaba  bikekwa ko ariko byagenze mu murenge wa Mageragere.

Umuvugizi wa Polisi y’u Rwanda mu Mujyi wa Kigali yasabye kandi abayobozi b’inzego z’ibanze gukomeza kubigiramo uruhare bagakangurira abaturage kuzitaho.

Yasabye kandi abaturage kujya bamenyesha Polisi y’u Rwanda n’izindi nzego, aho babonye imbwa zizerera kugira ngo habeho ubufatanye mu gukumira ko zarya amatungo n’abantu cyangwa se zigateza umutekano muke mu bundi buryo.

Iteka rya Minisitiri w’ubuhinzi n’ubworozi No⁰009/11.30 ryo kuwa 18/11/2010 ryerekeye izerera ry’amatungo n’izindi nyamaswa zororerwa mu ngo, mu ngingo za 4, 5, 6, 7, 8, 9 na 10 rivuga ku byemezo biteganyirijwe amatungo azerera, ba nyir’amatungo azerera, icyemezo gifatirwa itungo cyangwa inyamaswa izerera igahungabanya umutekano, kumenyekanisha imbwa, amafaranga acibwa ku izerera ry’imbwa, ibyemezo bifatirwa imbwa zitagira ba nyirazo, n’ibyemezo bifatirwa imbwa zizerera zitagomba kwicwa.

Leave a Reply