Menya amateka ya Justin Bieber mu rugendo rwe rwa Muzika

0
418

Justin Drew Bieber ni umuhanzi w’icyamamare ku isi yose ukomoka muri Canada, akaba aririmba mu njyana ya RNB na Pop, benshi bamumenye mu ndirimbo nka Sorry, Love me, What do you mean Baby, Let Me Love You n’izindi nyinshi.

Menya amateka ya Justin Bieber mu rugendo rwe rwa Muzika

JUSTIN BIEBER NI MUNTU KI?

Justin Bieber yavutse tariki ya  1 Werurwe muwi 1994 avukira mu bitaro byitwa St Joseph’s Hospital, byo muri Stratford, Ontario ho muri Canada, ndetse akaba yarakuriye muri aka gace ka Stratford ko muri Ontario, akaba ariwe mwana umwe rukumbi wa Jeremy Jack Bieber na Patricia “Pattie” Mallette.

Justin Bieber ntago yakuranye n’ababyeyi be bombi kuko se wamubyaye yaramutaye amusigana na nyina aba ariwe bakurana aramurera.

Justin Bieber na mama we witwa Patricia "Pattie" Mallette
Justin Bieber na mama we witwa Patricia “Pattie” Mallette

Justin Bieber na mama we bakomeje kubaho mu buzima butari bwiza, aho Nyina yakoraga akazi kamuhembaga amafaranga aciriritse gusa akagerageza kuyifashisha, ndetse akishyurira ishuri Justin Bieber.

ESE YINJIYE MURI MUZIKA ATE?

Ahagana mu mwaka wa 2007, Justin Bieber yagiye mu marushanwa yabereye mu gace yari atuyemo ka Stratford  maze aba uwa kabiri ahembwa kuririmbana n’umuhanzi Neyo, bakoranye indirimbo yitwa So Sick, igeze kuri Youtube irarebwa cyane, kuva ubwo Justin Bieber atangira kujya yigana indirimbo z’abahanzi bakomeye akazishyira kuri Youtube, maze mu gace k’iwabo batangira kumumenya.

2008–2010: Yinjiye mu ruhando rwa Muzika ashikamye

Mu mwaka wa 2008, umuherwe witwa  Scooter Braun, wari uhagarariye inzu itunganya umuziki ya  So So Def Recordings, kubw’impanuka yagiye kuri Youtube maze afungura amashusho ya Justin Bieber yo mwaka wa 2007, akimara kuyareba yatangajwe n’impano idasanzwe yasanganye Justin, niko gufata inzira ajya kumureba mu gace k’iwabo, ahita ahamukura amujyana mu gace ka Atlanta ho muri Georgia, mu cyumweru kimwe yari yamaze Justin Bieber yari yatangiye kuririmbana na Usher.

Hadaciye iminsi mwinshi, Justin yasinye amasezerano na kompanyi ya  Raymond Braun Media Group (RBMG) abifashijwemo na Usher hamwe na Scooter Braun, abakire benshi bahita batangira kumwifuza harimo n’umuhanzi Justin Timberlake washakaga kumusinyisha gusa Usher amurwanira ishyaka baramugumana.

Usher yakomeje gushaka kompanyi ifite imbaraga yasinyisha Justin Bieber maze ahura na Chris Hicks wari uhagarariye The Island Def Jam Music Group, mu kwezi k’ukwakira 2008 Island na RBMG bemeranya guhuza imbaraga kugirango bateze imbere Justin Bieber, Bieber yahise afata Mama we bajya kuba mu mugi wa Atlanta, Braun ariwe umutera inkunga.

justin bieber na Usher hamwe na Scooter Braun
Justin Bieber, Usher hamwe na Scooter Braun

Indirimbo yashyize hanze bwa mbere yise “One Time” iri mu ndirimbo zamuhaye gukundwa cyane ndetse ifata umwanya wa 12 ku rutonde rwa Canadian Hot 100, ndetse hashize iminsi mike ihita ijya no ku mwanya wa 17 ku rutonde rwa Billboard, aho hari muri 2009.

Tariki ya 17 Ugushyingo 2009 yasohoye alubuma yise My World, ikaba yari ikubiyemo indirimbo nka “One Less Lonely Girl”, “Love Me” na “Favorite Girl”, maze zikora amateka mu bihugu bitandukanye hano ku isi, Justin Bieber atangira kwamamara ku isi yose, abantu baramumenya.

2010:Yari yamaze kwamamara isi yose itangiye kumumenya

Mu mwaka wa 2010 yagereye umuraperi Luda Cris bakorana indirimbo yitwa Baby, maze yo ikora ibitangaza mu mateka ya Muzika ndetse ihita ifata umwanya wa 5 ku rutonde rwa US Billboard Hot 100, mu gihe yari ifite umwanya wa gatatu ku rutonde rwa Canadian Hot 100, nyuma yasohoye “Never Let You Go”, na “U Smile” maze ziza mu mwanya 30 ya mbere ku rutonde rwa Billboard Hot 100, mu gihe zari ziri muri 20 za mbere ku rutonde rwa Canadian Hot 100.

Mu rwego rwo gukomeza kumenyekanisha Bieber by’akataraboneka yatangiye kujya ajya mu biganiro bikunzwe muri Amerika nka The View, Kids’ Choice Awards, Nightline, Late Show, The Dome n’ibindi byinshi binyuranye, Justin Bieber yamamara atyo.

Indirimbo ye “Baby” yaciye agahigo ko kurebwa cyane ku rubuga rwa Youtube ivanaho Bad Lomance ya Lady Gaga yari ifite aka gahigo, uretse ibyo kandi JustinBieber yaciye agahigo ko kwigarurira 3% k’abantu bakoresha Twitter ku isi yose.

Mu mwaka wa 2011, indirimbo ye yise Never Say Never yashyize hanze tariki ya 14 Gashyantare 2011 yamufashije kwinjiza akayabo k’amafaranga menshi cyane ndetse imuhesha kuza ku mwanya wa kabiri mu byamamare byinjije akayabo ku rutonde rwa Forbes, indirimbo ye itangira no gusubirwamo(Remix) n’ibyamamare bikomeye birimo nka Chris Brown, Kanye West n’abandi benshi.

Mu myaka ya 2012,2013,2014 Justin Bieber yabaye umuhanzi w’akataranoke atangira kwegukana ibihembo bikomeye birimo nka American Music Awards, Billboard Music Awards, Grammy Awards, Juno Awards, MTV Europe Music Awards, Pollstar Awards, Popstar! Awards, Premios Juventud, Premios Oye!, Radio Disney Music Awards, RIAA’s Gold & Platinum Program, Rockbjörnen, Shorty Awards, Teen Choice Awards, Telehit Awards, Tribeca Disruptive Innovation Awards, TRL Awards (Italy), Variety’s Power of Youth Awards, Virgin Media Music Awards, WDM Radio Awards, Webby Awards n’ibindi byinshi cyane.

Mu mwaka wa 2015 Justin Bieber yashyize hanze indirimbo yise What Do You Mean, ikaba yariri kuri Alubumu yise Purpose, iyi ndirimbo yabaye iyambere mu ndirimbo za electronic dance music ndetse  imwinjiza mu gitabo cya Guinness World Record, hadaciye igihe, yahise ashyira hanze indirimbo yise Sorry yo noneho iza kumuhesha akayabo k’amafaranga menshi, ndetse iyi ndirimbo iba iya mbere yabitswe cyane(Downloading) kuri Itune.

Iyi Alubumu ye yitwa Purpose yabashije kugurishwamo miliyoni 4.1 z’amakopi hirya no hino ku isi, ndetse Justin Bieber ahita atangaza ko agiye kuzenguruka hirya no hino amurikayo iyi Alubumu ye, akaba yarahereye ahitwa Seattle muri Washington, aho hari kuwa 9 Werurwe 2016.

justin bieber amurika Alubumu ye yitwa Purpose

Justin ari mu bahanzi bavuzweho gufungwa cyane bitewe n’ibyaha binyuranye yakoraga biza no kugera aho bamuca muri Leta Zunze Ubumwe bamwohereza mu gihugu cye cya Canada kugirango atange amahoro n’umutekano muri Leta Zunze z’Amerika, Bieber kandi yavuzweho imico itari myiza irimo nk’ubusambanyi bukabije nyuma yo gutandukana na Selena Gomez wahoze ari umukunzi we, uyu muhanzi yatangiye kujarajara mu bakobwa cyane bigera naho nyina amusaba imbabazi ku karubanda kugirango areke imico itari myiza yari yaramutwaye Roho.

Justin Bieber mbere yo gutandukana na Selena Gomez
Justin Bieber mbere yo gutandukana na Selena Gomez basomaniraga no mu ruhame

Uretse ibikorwa bitari byiza byavuzwe hejuru, Justin Bieber yakoze n’ibikorwa byinshi bizatuma benshi bamuranye iteka ryose harimo nk’umushinga yise #GiveBackPhilippines yatanzemo agera kuri Miliyoni eshatu z’amadorali, ibi byamuhesheje gukundwa cyane muri Philippines.

IBI NI IBINTU BITATU UTARUZI KURI JUSTIN BIEBER

IBI NI IBINTU BITATU UTARUZI KURI JUSTIN BIEBER

Iyo ataba umuririmbyi, yari kuba umushushanyi

Burya Justin Bieber akunda cyane gushushanya ndetse arabizi, nkuko yabihamirije itangazamakuru ngo iyo ataba umuririmbyi, ubu aba ashushanya.

Niwe wiyigishije gucuranga

Justin ari mu bahanzi bazi gucuranga ibikoresho bya Muzika nka Guitar, Piano n’ibindi byinshi, gusa ngo nta muntu wigeze abimwigisha we ubwe ku giti ke niwe wabyiyigishije.

Justin akunda abakobwa bambara imyenda yerekana amaguru yabo

Justin Bieber ubwo yabazwaga umukobwa umukurura cyane uko aba ateye yavuzeko burya akunda abakobwa bambara udukabutura duto tugaragaza ikibero n’amaguru hejuru bambaye isengeri.

Iki cyari ikegeranyo cyihariye kuri Justin Bieber, wifuza ko twakubwira icyegeranyo ku cyamamare runaka ukunda watwandikira kuri

EMAIL YACU: Touchrwanda2014@gmail.com

LEAVE A REPLY

Please enter your comment!
Please enter your name here