Misiri: Ari mu myigaragambyo nyuma yo kuzahazwa n’inzara muri gereza

0
292

Halawa Ibrahim umusore w’imyaka 21 y’amavuko ukomoka mu gihugu cya Ireland, ufungiye mu gihugu cya Egypt kuri ubu yigaragambije kubera ukuzahazwa n’inzara ku buryo ubu asigaye agendera mu kagare nk’uko byatangajwe n’umwavoka we.

Halawa Ibrahim
Halawa Ibrahim

BBC iratangaza ko Ibrahim Halawa yajyanwe muri gereza ubwo yarafite imyaka 17 y’amavuko akaba yaratawe muri yombi ari kumwe na bashiki be batatu, ubwo baterwaga bari ku musigiti wa Al Fath muri Cairo mu mwaka wa 2013, akaba yarafunzwe akekwaho kugira uruhare mu myigaragambyo y’abarwanyaga leta ya Misiri yabereye mu nzira yagendagamo hamwe n’umuryango we. kuri ubu akaba amaze imyaka irenga itatu muri gereza nubwo nta n’urubanza yigeze aciribwa.

Kuri uyu wa 20 werurwe umwavoka wa Halawa Ibrahim yatangajeko ubwo umuryango we uherutse kumusura  muri iki cyumweru gishize ubuyobozi bwa gereza bwagiye kumubazanira babona bamuzanye mu kagare kubera kuzahazwa n’inzara.

Bwana Halawa ni umuhungu w’umugabo ukomeye cyane mu idini rya Islam muri Repuburika ya Ireland, leta ye ikaba ikomeje gukora uko ishoboye ijya mu biganiro na leta ya Egypt ngo nibura uyu musore  barebe ko yafungurwa. Uyu musore kandi na we ubwe biravugwa ko yatangiye imyigaragambyo ngo kuko akomeje kwicwa n’inzara kandi ko adakeneye gukomeza gufungwa mu gihe nta wigeze amucira urubanza ngo icyaha kimuhame.

Muri iyi myaka itatu yose amaze muri gereza ikibazo cye kimaze kwirengagizwa n’urukiko incuro 19 mu gihe urukiko rwakabaye rwaramaze kumuburanisha.

Ubuyobozi bwo muri ambasade ya Ireland bwasuye uyu musore muri gereza incuro zirenga 50 nkuko byatangajwe n’agashami gashinzwe ububanyi n’amahanga.

Bakomeje bavuga ko ubuyobozi buherutse ku musura ku itariki ya 1werurwe uyu mwaka ubwo bamusuraga igihe kingana n’iminota mirongo ine muri gereza ya Torah aho yari yaherekejwe n’ambasade y’igihugu cye mu rwego rwo kumuvuza.

Iri shami rishinzwe kureberera ibikorwa by’ububanyi n’amahanga ryagize riti:” ubu buyobozi bwa ambasade bwaganiriye na we, bukurikije uko bwagiye bubona ubuzima bwe ari muri iyi gereza, bwamusabye ko yakurikirana ubuzima bwe ,akamenya niba agaburirwa neza bikwiye kandi akaba afata icyo kunywa nk’amazi afite isuku ihagije.”

Uyu musore umaze imyaka itatu muri gereza amaze ibyumweru bisaga 3 atangiye kwigaragambya kubera inzara. Gusa bikaba byatangajweko urukiko rugiye kubura dosiye ye maze akaburanishwa muri iki cymweru nubwo leta ye ndetse n’abavandimwe bakomeje kugira impungenge z’uko urukiko rwakongera gutaruka dosiye y’uyu musore ntaburanishwe nk’uko basanzwe bamwirengagiza.

Ibrahim afatanwa na bashiki be
Ibrahim afatanwa na bashiki be

IBRAHIM ubwo yatabwaga muri yombi yari kumwe n’umuryango we bagiye mu kiruhuko nuko habaho imyigaragambyo muri Cairo irwanya ubutegetsi bwa leta ya EGYPT muri 2013, akaba yarafatiwe hamwe n’imbaga y’abantu benshi baraho akekerwako na we yaba ari mu bari kurwanya ubutegetsi. Gusa bashiki be bo bahise barekurwa nyuma y’amezi atatu  we asigaramo ,aho yakomeje guterwa ubwobako naramuka ahamwe n’icyaha azahabwa igihano cy’urupfu. Perezida w’iki gihugu cya MISIRI akaba yaratangarije ihuriro ry’abagenzuzi b’abanye politiki b’igihugu cya IRLAND ko uyu musore azamuha imbabazi ari uko urubanza rwe rumaze gucibwa.

Yanditswe na Schadrack MUKESHIMANA

Leave a Reply