Mu myaka 6 ishize uwahoze ari Perezida wa Misiri yavuye mu buroko

0
294

Kuri uyu wa gatanu uwahoze ari perezida wa Misiri Hosni Mubarak yarekuwe  nyuma y’imyaka itandatu afunzwe.

Mu myaka itandatu afunzwe yarekuwe
Mu myaka itandatu afunzwe Hosni Mubarak yarekuwe

Hosni Mubarak w’imyaka 88 y’amavuko yarekuwe avuye mu bitaro bya gisirikare bya Maadi, kuri ubu akaba yagarutse mu rugo Cairo ari kumwe n’umwunganizi Farid El Deeb.

Mubarak yamaze ku butegetsi imyaka igera kuri 30 aza kuvanwaho ku ngufu bitewe n’ibyaha yashinjwaga birebana n’ubwicanyi.

Mubarak yakatiwe kuva mu mwaka wa 2012 ashinjwa kwica abantu bigaragambyaga mu mwaka wa 2011 mu kwezi kwa mbere.

Icyo gihe icyegeranyo cy’Umuryango ushinzwe kurwanya Ruswa n’Akarengane cyagaragaza ko uyu muperezida yagize uruhare mu bwicanyi bw’abantu 840 abarenga 6000 barakomereka mu minsi 18 gusa mu myigaragambyo yabeye mu Misiri.

Nubwo uyu muperezida yari afunzwe yagiye agira ibibazo bikomeye by’uburwanyi bw’umutima ndetse na kanseri y’igifu dore ko rimwe na rimwe yazaga mu rukiko hiyambajwe inyoroshyarugendo y’akagare.

CNN itangaza ko uretse ubwo bwicanyi Mubarak bivugwa ko yanyereje n’umutungo w’igihugu, ubwo yubakaga inyubako ze  bwite. We n’umuhungu we kandi bashinjijwe ibyaha bya ruswa.

Yanditswe na Nkeshumugabe Patrick

Leave a Reply