Nyuma y’igihe kitari gito Abanyamusanze barabyinira ku rukoma

0
227

 

Abaturage batuye mu midugudu ya Giramahoro na Rusagara mu murenge wa Muhoza barishimira umuyoboro w’amazi ugana muri iyi midugudu yabo kuba wavuguruwe nyuma y’igihe kirekire badafite amazi ahagije.

Uyu muyoboro w’amazi bishimira wongewemo  amatiyo mashya mu rwego rwo guteganyiriza abatuye iyi midugudu amazi ahagije kandi ahoraho nyuma y’igihe kitari gito batabona amazi abahagije.

Umuyobozi w’umudugudu wa Rusagara, Bwana Siborurema Hussen avuga ko abaturage bari bakwiye gufashwa kubona amazi kuko hari hashize igihe kirekire batabona amazi.

Agira ati “Abaturage bamaze iminsi badafite amazi ni yo mpamvu nashyizemo imbaraga n’umwete ngaragaza iki kibazo ko kigomba kurangira uyu munsi.”

Ubuyobozi bw’ikigo gishinzwe gukwirakwiza amazi WASAC ishami rya Musanze butangaza ko bugiye gukemura iki kibazo ku buryo buramye abaturage bakabona amazi ahagije.

Umuyobozi ushinzwe gukwirakwiza amazi mu turere twa Musanze na Burera Bwana Emma Ndayambaje   atanga icyizere ko iki gikorwa  nikirangira  bazabona amazi ahoraho.

Aba baturage bahuriraga mu midugudu baturanye ku itiyo imwe abandi bagakoresha n’amafaranga menshi bayatuma.

Yanditswe na Nsanzimana Germain

 

 

 

Leave a Reply