Niba Jay Z ataririmba ikinyarwanda kuki twebwe twaririmba ururimi rwe? Dany Nanone

3
1354

Ntakirutimana Dany uzwi ku izina rya Dany Nanone ni umwe mu baraperi bakomeye cyane hano mu Rwanda no hanze yarwo, akaba aherutse no gutorwa mu bahanzi 10 bazahata mu irushanwa rya Primus Guma Guma Super Star 7.

Umuraperi Danny Nanone

Uyu muraperi ari mu bahanzi nyarwanda bakoresha ururimi nyarwanda mu bihangano bye ndetse akaba agira inama abahanzi bagenzi be kureka gukomeza kugoreka ururimi rw’ikinyarwanda.

Ubwo yaganiraga na Touchrwanda yagiriye inama abahanzi nyarwanda zo gukoresha ururimi rwacu rw’ikinyarwanda mu bihangano byabo ndetse no mu buzima bwabo bwa buri munsi.

Yagize ati “abahanzi nyarwanda bagoreka ururimi rwacu cyangwa se bagakoresha indimi z’ahandi ndabagira inama zo kubireka kuko ntago ndumva nka Jay Z yaririmbye ikinyarwanda, bityo natwe abahanzi dukoresheje ururimi rwacu byarushaho kuba byiza ndetse tukamenyekana cyane”

Yakomoje no ku irushanwa rya PGGSS7 aho yatubwiye ko yiteguye gukora byinshi atakoze umwaka ushize, ateguza abafana be ko iki gikombe agomba kucyegukana kuko agikwiriye.

Danny Nanone yiteguye kwegukana irushanwa rya PGGSS7
Danny Nanone yiteguye kwegukana irushanwa rya PGGSS7

3 COMMENTS

  1. Indirimbo Iri Mukinyarwanda Ntabwo yarenga imipaka Kbs Ahubwo Inama namugira natangire Kuririmba Izo ndimi! Kugirango yagure Imipaka ibihangano byiwe bigere Kure.

  2. Dannyyyy, ayo ni amaryo cyangwa? icyambere Jay Z nta kinyarwanda azi, ikindi ururimi aririmbamo rwumvwa na benshi ku Isi kandi indirimbo ziririmbwe mu rurimi rwe zinjiza cash. Muzatera imbere gute? Variety ntabwo ari mbi, kunyuzamo ugahindura.

  3. Danny uri umuhanzi wubwenjye, gusa icyo ntakwemeranyaho nawe ni iki. Niba wifuza kuzaba umuhanzi uzwi Mu Rwanda gusa uzakomeza ikinyarwanda, ariko niba ushaka nokugirango abari hanze b’abanyamahanga bagukurikira bakunde ibihangano byawe, nuko uzanabakorera ibyo bumva. Urugero hano muri Sadci bakunda meddy cyanee kubera indirimbo holy spirit kuko barayumva. Rero ujye ukora iziri mundimi abanyarwanda twumva nizabanyamahanga bumva.

    Naho jay z ntabwo yazikora mukinyarwanda kuko izo akora majority baramwumva ndumva rero ntamwanya wee yabona woguta ku kinyarwanda just why ba diamond bari gutera imbere kuko indimi baririmbamo abenshi bagerageza kuzumva !! Thank u kandi courage cyanee

Leave a Reply