Nigeria: Icyihishe inyuma y’abashimuswe na Boko Haram cyamenyekanye

0
100

Uwahoze ari umukuru w’igihugu cya Nijeriya (Nigeria) Goodluck Jonathan aratugwa agatoki kuba yaramaganiye kure igitekerezo ingabo z’Abongereza, zashakaga gutabara abakobwa bashimutswe n’umutwe wa kisilamu Boko Haram.

abakobwa bashimutswe na Boko haram
abakobwa bashimutswe na Boko haram

Bamwe mu bateguraga kugaba igitero kuri Boko Harama batangarije The Observer ko bari baramenye aho aba bakobwa bakomoka mu gace ka Chibok baherereye, ariko leta ya Nigeriya (Nigeria) ikabahakanira.

Bagira bati “Agace abo bakobwa bari baherereyemo, kamenyekanye mbere y’ibyumweru bike bibanza, dutegura kugerageza kubarokora ariko leta ya Nigeriya irabyanga.”

Gusa uwahoze ari Pererezida wa Nigeriya (Nigeria) Jonathan yahakanye yivuye inyuma iki cyegeranyo, avuga ko atigeze ahagarika ingabo z’Abongereza mu igikorwa cyo gutabara abakobwa bashimutswe na Boko Haram.

Umuvugizi wa Jonathan, Ikechukwa Eze yavuze ko leta ya Jonathan yafatanyije n’ubumwe bw’ibihugu by’abaturanyi, igihe byageragezaga kurokora aba bakobwa.

Umuvugizi wa guverinoma iriho ubu yatangarije BBC ko icyegeranyo cyashyizwe ahagaragara ko cyerekana ko Bwana Jonathan yakoreshaga ikibazo cya Bokon Haram muri politike.

Yanditswe na Nsanzimana Germain      

Leave a Reply