Nigeria: Perezida Buhari yagarutse ku ivuko nyuma kuva kwivuza

0
107

Perezida w’igihugu cya Nigeria Muhammadu Buhari, yamaze gusubira mu gihugu cye nyuma y’ibyumweru bitari bike  arwariye mu gihugu cy’ubwongereza.

Perezida w’igihugu cya Nigeria Muhammadu Buhari
Perezida w’igihugu cya Nigeria Muhammadu Buhari

Ku myaka ye 74 Muhammadu Buhari ubwo yavaga mu gihugu cy’Ubwongereza, indege yamushyize mu mujyi uri mu majyaruguru ya Nigeria Kaduna, aho biteganyijwe ko arahita yerekeza mu murwa mukuru Abuja.

Muhammadu Buhari yagiye kwivuza mu kwezi kwa mbere mu Bwongereza, ku bijyanye nuko ubu ahagaze mu by’ubuzima yirinze gutangazwa.

Itangazo ryasohotse kuri uyu wa kane riturutse mu biro bya perezida Buhari, rivuga ko uyu muperezida yavuye mu gihugu cya Nigeria ajya mu Bwongereza kuruhuka mu gihe yari agiye kwisuzumisha iby’ubuzima.

BBC itangaza ko ishyaka ritavuga rumwe n’ubutegetsi riharanira demukarasi, yahise isaba ibisobanura binyuze mu mucyo birebana n’ubuzima bwa perezida Buhari.

Ubu burwayi bwa Perezida Buhari buje mu gihe iki gihugu ubukungu butifashe neza, ndetse n’ibiciro by’ibikomoka kuri peterori bikaba byaraguye ariho igihugu cya Nigeria gucungira ubukungu bwacyo.

Iyi ibaye inshuro ya kabiri Perezida Buhari ahura n’ibibazo by’ubuzima kuva yatangira manda ya kabiri mu mwaka wa 2015. Mu mwaka ushize mu kwezi kwa 6 na bwo yagiye mu Bwongereza amarayo ibyumweru bibiri.

Leave a Reply