Nubwo yagizweho ingaruka na Boko Harram; arifuza kwiga akazaba umunyamategeko

0
861

Intambara uretse kuba isiga byinshi byangiritse inatwara ubuzima bw’abatari bacye haba ku mpande zihanganye, gusa mu mategeko agenga intambara harimo kubahiriza uburenganzira bw’abana ndetse n’ubwa abagore iyo bageze aho bavutswa ubuzima biba byataye umurongo ahubwo bigashakirwa iyindi nyito.

Uko iminsi igenda n’indi igataha imitwe y’iterabwoba igenda ivuka hirya no hino ku isi, Boko Haram ni umutwe ugendera ku matwara y’abahezanguni b’idini ya islam ukaba kuva mu mwaka wa 2009 umaze guhitana abarenga 20,000 ndetse abarenga miliyoni ebyiri bava mu byabo mu Majyaruguru ashyira Uburasirazuba bw’igihugu cya Nigeria aho watangiriye uko iminsi igenda n’indi igataha igenda ikomeza kwagura ibikorwa by’iterabwoba mu bihugu birimo Cameroun, Niger, ndetse na Tchad.

Jonathan ni umwana w’imyaka 14 y’amavuko akaba akomoka mu gihugu cya Nigeria ubwo we n’umuvandimwe we bari boherejwe n’ababyeyi kujya gutashya inkwi zo guteka baje kugwa mu mutego w’igisasu cyatezwe na Boko Haram maze gihita gitwara akaboko ke k’iburyo.

Mu busanzwe imirimo yose y’amaboko yayikoreshaga akaboko ke k’iburyo akagizweho ingaruka n’igisasu nyuma yo kumara imyaka igera kuri ibiri mu bitaro yitabwaho n’abaganga yaje kwiga uburyo yakwimenyereza gukoresha akaboko k’imoso yari asigaranye.

The Guardian dukesha iyi nkuru igaragaza Jonathan igaragaza amashusho ye nk’umwana ufite intumbero aho abasha kwikemurira imirimo itandukanye abifashijwemo n’akaboko ke k’imoso imirimo yose yamusabaga gukoresha iburyo harimo nko kwandika, kwigaburira, gukora imirimo itandukanye ndetse n’ibindi.

Kurubu ni umwana ufite intumbero zo kwiga amategeko akazaba umucamanza, abifashijwemo na nyina Jonathan ntiyacitse intege ngo yumve ko kwiga kwe birangiye mu kiganiro n’umunyamakuru yagize ati: “Ishuri ni ryiza, igihe ukurikiye neza amasomo yawe, buri kimwe wakwifuza kuba wazakigeraho.”

Jonathan, Boko Haram
Jonathan yanze kuba umutwaro ku bandi yiga gukora imirimo itandukanye

 

 

Leave a Reply