Nyabihu: Abasoromyi b’icyayi barashimira leta yazamuye igiciro

0
176

Abasoromyi b’icyayi mu murenge wa Karago akarere ka Nyabihu barashimira leta kuba yarabongereye igiciro cy’icyayi muri gahunda ya Rwanda Mountain Tea ikabateza imbere n’abitabira akazi neza bakaba bahabwa agahimbazamusyi.

Ni nyuma y’aho leta izamuye igiciro cy’ishyurwaga umusoromyi ku kilo cyikava ku mafaranga 25 kikazamuka ku mafaranga ari hagati ya 30 na 35 muri gahunda ya Rwanda Mountain Tea igamije gufata abakozi neza no kwongera umusaruro.

Bamwe mu basoromyi batangaza ko icyayi cyabunguye ubu babona amafaranga ahagije imwe mu mpamvu ibatera gushima leta y’u Rwanda yabongeje bakaba babona umushara utubutse.

Umuyobozi mukuru w’uruganda rw’icyayi rwa Nyabuhu, Gasarabwa Yohana Damascene avuga ko iyi ari imwe muri gahunda ituma abakozi bakorana umuhati bakongera umusaruro w’uruganda kandi na bo bakiteza imbere.

Agira ati “Niba bongejwe bituma bakorana umuhati n’umusaruro w’uruganda ukazamuka mu bwiza no mu bwinshi kandi ni gahunda igamije gufata abakozi neza.”

Icyayi cy'u Rwanda gihogoza amahanga
Icyayi cy’u Rwanda gihogoza amahanga

Ntabwo ari gahunda yo kongeza amafaranga bishyura abasoromyi ku kilo gusa yongeraho ko   banateganyiriza abakozi bitabira akazi uko bikwiye, basoroma ndetse n’ibiro byinshi bagenerwa agashimwe we yita agahimbazamusyi.

Yanditswe na Nsanzimana Germain

Leave a Reply