Nyuma yo gutsindwa amatora Hillary yagaragaje amiyumvo ye kuri politike y’Amerika

0
1019

Nyuma y’amatora y’umukuru w’igihugu cya leta zunze ubumwe z’Amerika, umukandida mu ishyaka rya aba Demokarate Hillary Clinton wari umwe mu bahatanira uwo mwanya akaza gutsindwa, yashyize agira icyo atangaza ku bigendanye na politike y’iki gihugu.

Hillary Clinton Rwanda

Kuva aho amatora yabereye mu mwaka ushize wa 2016, Hillary Clinton yirinze kugira ibikorwa byamuhuza n’itangazamakuru gusa nyuma y’igihe kirekire kigera hafi ku mezi ane yaciye ku mayange ibigendanye n’amiyumvo ye kuri politike y’Amerika.

Mu nama ngarukamwaka y’abagore ba abashabitsi bo muri leta ya California, Clinton yagarutse ku buringanire bw’abari n’abategarugori ndetse agaruka no kuri bombori bombori ye na Donald Trump ndetse n’ishyaka bari bahanganye rya abarepubulike.

Hillary Clinton yagize ati: “Mu byukuri ibyavuye mu matora ntago ari byo nari niteze, gusa ntibizambuza na rimwe kugira icyo mvuga ku byazana inyungu muri rusange bizafasha ababyeyi baguma ku mirimo yabo.”

Nkuko ikinyamakuru CNN dukesha iyi nkuru ki bitangaza Clinton yahamagariye ishyaka ry’Abarepubulike ariryo riri ku butegetsi rirangajwe imbere na Perezida Donald Trump gutega amatwi abaturage b’Amerika ntibabanigane ijambo kuko mu gihe bitabaye uko bagomba kwitega icyo abaturage bazababwira igihe cyose kuko icyo bita imyigaragambyo aribwo igitangira kugeza ubu ntacyo barabona.

yakomeje agira ati: “Benshi mu baturage batigeze bakangukira kugira uruhare muri politike ngo bajye ahagaragara si uko batari bayitayeho ahubwo bari bafite ukuntu bahurira mu dusisiro bakagira ibyo bemeranyaho.”

Yibukije ko byinshi mu bikorwa bigenda bikorwa byo kwambura uburenganzira mu bufasha mu buvuzi nta kabuza abaturage bazagira icyo bivugira ubwabo. yagize ati: “Koko se? urifuza gushyira ku ruhande gahunda yo kwita ku babyeyi mu gihe bari kubyara? urumva ari nde uzababwira bo ubwabo ngo babyamagane?

Ku bigendanye no guteza imbere igitsina gore muri rusange nabo bakumva ko bafite uruhare nk’urwa basaza babo mu iterambere ry’Amerika Clinton yasabye ko hakwiye gufatwa ingamba mu maguru mashya zo guharanira uburenganzira bw’abakobwa ndetse no kwegerezwa amahirwe kuko ari kimwe mu bintu byananiwe gutunganwa mu kinyejana cya 21 kandi kigiteye inkeke.

Leave a Reply