Okoko yahishuye umwihariko w’ikipe ya Gicumbi atasanze ahandi yatoje

0
131

Mu mukino wabaye ku munsi w’ejo ku wa gatatu, ikipe ya Gicumbi ibasha gukura amanota atatu kuri APR FC ku gutego kimwe cyabonetse mu gice cya kabiri, nyuma y’aho umutoza wa Gicumbi Okoko yahishuye ikintu yasanze muri Gicumbi atabonye mu yandi makipe yanyuzemo.

Okoko ati"Abakinnyi ba gicumbi ni abajeshi"
Okoko ati”Abakinnyi ba Gicumbi ni abajeshi”

Okoko avuga ko ashingiye ku bukene abakinnyi ba Gicumbi babamo, ariko bakabasha kwihangana bagakina ngo abakinnyi be ni abajeshi. Yavuze ko nta kipe iba mu bukene nk’ubwa Gicumbi ngo abakinnyi babashe kwihagana bagakina ndetse bagatsinda.

Yagize ati“Bari bitoje neza ,bakoze ibyo umutoza yababwiye, nta mafaranga dufite ariko ibyiza biri imbere, abakinnyi bafite abagore n’abana, bagomba kumva icyabajyanye, abakinnyi ndabashimira ni abajeshi ,bo imbere barakina badashyize imbere ibibazo by’amafaranga  njya ndababwira ngo nibakine bigaragaze amakipe afite amafaranga azabagura,ukwihangana kw’abakinnyi ba Gicumbi nta handi nakubonye”.

Kugeza ubu ikipe ya Gicumbi iri ku mwanya wa 15 ku rutonde rwa shampiyona , biteganyijwe ko muri iyi weekend Gicumbi iracakirana n’ikipe ya polisi kuri sitade ya Gicumbi.

Nkurunziza Pacifique/touchrwanda.com     

Leave a Reply