Peru iri mu bihe bikomeye aho umwuzure umaze kwangiza ibitagira ingano

0
553

Mu gihugu cya Peru giherereye mu majyepfo y’umugane w’Amerika kiri mu bihe bidasanzwe aho imvura idasanzwe imaze kwangiza ibitagira ingano kugeza ubu hakaba hakiri gukorwa ubutabazi bw’ibanze ngo hatabarwe abakiri bazima.

Image result for mudslide in Peru

Kuva mu ntangiriro z’uku kwezi mu gihugu cya Peru imvura iri kugwa ubutaruhuka mu gihe imaze gusiga muri iki gihugu hari abagera kuri 62 bamaze kuhasiga ubuzima nkuko bitangazwa na leta y’iki gihugu ndetse abandi benshi bakaba bari gukomereka bagerageza guhunga imyuzure iri guterwa n’irengerwa ry’imigezi iri muri iki gihugu.

Leta ya Peru ikaba yatangaje ko abagera ku bihumbi 60 bamaze kuva mu byabo ndetse imijyi itandukanye ikaba iri gusaba ko yafashwa igahabwa ubutabazi bw’ibanze ngo ibashe kugira abo yarokora iki kiza cy’imvura.

Image result for mudslide in PeruHari amashusho yafashwe agaragaza umugore Evangelina Chamorro Diaz wari warengewe n’uyu mwuzure agerageza gukiza ubuzima gusa kubw’amahirwe akaba yabashishe gutabarwa ndetse yihutishwa kwa muganga aho ari kwitabwaho.

Image result for mudslide in Peru

Perezida w’iki gihugu Pedro Pablo Kuczynski mu butumwa yacishije ku rubuga rwe rwa Twitter akaba yasabye abanyagihugu kugira ituze, yagize ati: “Turi gutunganya uburyo turwana n’iki kiza. Mureke tugume mu mutuzo ndetse twubahe inzego z’ubuyobozi.”

Gusa nubwo iyi mvura imaze kwangiza byinshi abashinzwe ibyiteganyagihe muri iki gihugu batangaje ko iyi mvura ishobora gukomeza no mu byumweru bibiri biri imbere, kugeza ubu CNN dukesha iyi nkuru ikaba itangaza ko uturere tugera kuri 750 tumaze kugerwaho n’ibi biza.

Reba amashusho y’uburyo uyu mugore yabashishe kurokoka uyu mwuzure:

Leave a Reply