Rayon Sport itsindiwe muri Mali

0
167

Kuri uyu wa gatandatu tariki ya 11 Werurwe 2017 ikipe ya Rayon Sport yari ifite umukino ukomeye n’ikipe ya Onze Createur yo mu gihugu cya Mali uyu mukino ukaba wabereye ku kibuga cyitwa Modibo Keita de Bamako.

Uyu mukino wari utegerejwe na benshi haba abafana ba Rayon Sport baba mu Rwanda ndetse n’abari ku kibuga nyirizina, bashaka kureba uko ikipe yabo iri bwitware mu gihugu cyo hanze.

Mu gice cya mbere ikipe ya Rayon Sport yatangiye umukino isa nk’itaribona neza mu mukino, Onze Createur iyirusha bigaragara gusa mu minota nka 15 y’umukino, Rayon Sport yatangiye kugerageza gusatira izamu rya Onze Créateurs, babasha kubona koruneri 2 na coups franc 2 ariko bitagize icyo bitanga, igice cya mbere kirangira amakipe yombi akinganya ubusa k’ubusa.

Mu gice cya kabiri, ikipe ya Onze Createur yagarukanye imbaraga z’akataraboneka gusa Rayon Sport ikomeza kuyifungira amazi n’umuriro, ariko ku munota wa 62 rutahizamu wa Onze Createur witwa Samasatu yahise ayibonera igitego cya mbere, ibyishimo bitaha abanyemali.

Umukino warinze urangira nta mpinduka zirabaho, Onze Createur itahana insinzi ityo, ku ruhande rwa Rayon Sport agahinda kaba kose.

Leave a Reply