Rayon Sport itsinze AS Kigali, amahirwe yo gutwara igikombe ariyongera-AMAFOTO

0
2037

Kuri uyu wa gatandatu tariki ya 25 Werurwe 2017 kuri sitade ya Kigali i Nyamirambo habereye umukino w’ikirarane cy’umunsi wa 18 wa shampiyona, ukaba wari wahuje ikipe ya Rayon Sport na AS Kigali.

11 Babanjemo ku ruhande rwa AS Kigali
11 Babanjemo ku ruhande rwa AS Kigali
11 babanjemo ku ruhande rwa Rayon Sport
11 babanjemo ku ruhande rwa Rayon Sport
Massudi Djuma na Nshimiyimana Eric baganira
Massudi Djuma na Nshimiyimana Eric baganira

Ikipe ya Rayon Sport iyoboye urutonde rwa shampiyona yari yazanye imbaraga zidasanzwe kugirango ibashe kuguma kuri uyu mwanya ihagaze bwuma, mu gihe abasore ba AS Kigali nabo bari bafite umurava uhambaye wo gutsinda.

Rayon Sport na AS Kigali

Mu gice cya mbere amakipe yatangiye asatirana ubona ko ku mpande zombi hari buce uwambaye, ari nako abafana bavuzaga ibirombeti bashyigikiye amakipe yabo gusa Rayon Sport izwiho kugira abafana benshi cyane yari ifite imbaraga nyinshi.

Abakinnyi ba Rayon Sport barimo Pierrot, Bayama, Savio bashakaga uburyo botsa igitutu ba myugariro ba AS Kigali gusa bakababera ibamba, kugeza ubwo Rayon Sport byagendaga bigaragara ko yarushijwe, gusa ikagerageza gushyiramo imbaraga ari nako umutoza Massudi Djuma ahwitura abakinnyi be.

Massudi Djuma agira inama abakinny be
Massudi Djuma agira inama abakinnyi be

Igice cya mbere kibura iminota 10, ku munota wa 35 kuri Coup Franc Rayon Sport yari ibonye, Muhire Kevin uzwi ku izina rya Rooney yahise ayitereka mu mutwe wa Manzi Thierry maze awuboneza mu rushundura Rayon Sport iba ibonye insinzi y’igitego cya mbere.

Manzi Thierry na Muhire Kevin

Ku munota wa 45 igice cya mbere kigiye kirangira, Tchimanga wa AS Kigali yatsinze igitego cya AS Kigali gusa umusifuzi aracyanga bitewe nuko hari habayeho kurarira, ndetse igice cya mbere kirangira gityo, Rayon Sport igifite igitego kimwe.

Mu gice cya kabiri, abakinnyi ba AS Kigali bakoze ibishoboka byose kugirango bishyure igitego bari batsinzwe birananirana aho Ndahinduka Michel ku munota wa 61 yasigaranye na Bakame gusa ananirwa kumucishaho umupira, ku ruhande rwa Rayon Sport Pierrot uzwiho kugira amashoti akomeye na Moussa Camara usatira cyane bagerageje gukora ibishoboka gusa biranga, umukino urinda urangira Rayon Sport igifite igitego kimwe k’ubusa bwa AS Kigali maze amahirwe yo gutwara igikombe akomeza kwiyongera.

AMWE MU MAFOTO YARANZE UMUKINO

Nshuti Savior yari ifite inyogosho yavugishije benshi
Nshuti Savio yari ifite inyogosho yavugishije benshi
Bakame, umuzamu wa Rayon Sport
Bakame, umuzamu wa Rayon Sport
Antoine Hey umutoza mushya w'Amavubi na Murenzi Abdallah
Antoine Hey umutoza mushya w’Amavubi na Murenzi Abdallah bari baje kwihera ijisho
Ivan Minnaert, umutoza wa Mukura yari yitabiriye uyu mukino
Ivan Minnaert, umutoza wa Mukura yari yitabiriye uyu mukino
Mukunzi Yanick ukina muri APR FC yari yaje kureba uyu mukino
Mukunzi Yanick ukina muri APR FC yari yaje kureba uyu mukino
AS Kigali nubwo batsinzwe, nyuma y'umukino basenze
AS Kigali nubwo batsinzwe, nyuma y’umukino basenze

   

Leave a Reply