Real Madrid irashaka kurekura abakinnyi bayo babiri ngo yegukane Paulo Dybala

0
216

Ikipe ya real Madrid irifuza mu buryo bukomeye rutahizamu w’ikipe y’igihugu ya Argentine ukinira ikipe ya Juventus yo mu Butaliyani Paulo Dybala ndetse ikaba yiteguye kwemera kurekura bamwe mu bakinnyi bayo babiri b’imena nkingurane ngo ikunde imwegukane.

Paulo Dybala

Ikinyamakuru cyandikirwa mu gihugu cya Esipanye Diario Gol kikaba cyashyize hanze iyi nkuru ya Real Madrid irajwe inshinga no gukora ibishoboka byose ngo yegukane rutahizamu w’imyaka 23 y’amavuko Paulo Dybala benshi babonamo nku musimbura mwiza wa Messi cyangwa se Maradona mu ikipe ya Argentine.

Iki kinyamakuru gitangaza ko Real Madrid yifuza kurekura abakinnyi bayo bakina hagati Isco ndetse na Mateo Kovacic bigeze no gukina muri iyi Shampiyona y’Ubutaliyani mbere y’uko bagurwa na Real.

Gusa ikiri gutekerezwaho kugeza ubu ni uburyo Juventus izi twara muri iki kibazo ngo yemere kurekura umwataka wayo uri mu bihe byiza muri iyi minsi dore ko yagiye anugwanugwa nanone n’ikipe ya Manchester United inshuro zirenze imwe ko imushakisha nayo.

LEAVE A REPLY

Please enter your comment!
Please enter your name here