Somalia: Igisasu cyaturikanye imodoka, 13 bahasiga ubuzima.

0
269

Mu gihugu cya Somalia ubutabazi bw’ikigo nderabuzima na polisi kuri uyu wa Kabiri batangaje ko mu murwa mukuru wa Somalia igisasu cyaturikanye imodoka mu muhanda uri  hafi ya hoteli  abantu bagera kuri 13 bahasiga ubuzima.

13 bahasize ubuzima
13 bahasize ubuzima

Polisi yatangaje ko igisasu cyangije inyubako ku muhanda wa Maka al Mukaram hafi na Hoteli ya the Wehliye. Abdikadir Abdirahman, umuyobozi wa servisi y’imbangukiragutabara ya Amin, ubwo yaganiraga n’itangazamakuru ati “Twatwaye imirambo 13 hamwe n’inkomere zigera kuri 14 gusa hari impungenge z’uko umubare w’impfu ushobora gukomeza kwiyongera”

umutwe wa Al Shabaab mu mujyi wa Somali na wo wakomeje kwigamba ibi bitero. Ubwo bavuganaga kuri telefoni Sheikh Abdiasis Abu Musab, umuvugizi w’igisirikare cya al Shabaab aganira na  Reuters  yagize ati: “Turi inyuma y’igisasu cyaturikiye ku muhanda wa  Maka al Mukaram . Twishe abantu 17 barimo bamwe mu bakuru b’ingabo na bamwe mu bahoze ari abanyamategeko,”

Igitangazamakuru the Standard cyatangaje ko mbere yaho mu masaha make kandi polisi mu mujyi wa Mogadishu yarashe imodoka yo mu bwoko bwa minibus ubwo umushoferi yaramaze kwanga guhagarara ahagenewe gusuzumwa ibinyabiziga na Polisi hazwi nka checkpoint.

Polisi yatangaje ko imodoka yahiye ikica umushoferi wayo ikomeretsa kandi n’abagenzi babiri bari bayihagaze impande. Nkuko byakomeje kuvugwa ibi byabaye nyuma yuko vuba cyane abantu batanu baherutse gupfira mu gitero giheruka cyahuje uduce tubiri muri Garba Tula ubwo polisi yarasaga imodoka ya Alshabaab yihutaga cyane yanze guhagarara maze indwanyi yari iyitwaye ihasiga ubuzima.

Uyu mutwe w’iterabwoba ukomeje kujya utera ibisasu bitandukanye mu mujyi wa Mogadishu no mu tundi duce tuyobowe na leta. Gusa ibitero byinshi biremereye byibanda ku gisirikare nubwo hari n’igihe uyu mutwe wibasira n’abaturage ukabarasa.

kuva mu mwaka wa 2015 uyu mutwe wa Alshabab ukunda gutera ibisasu hafi na mahoteli aho bakeka ko abayobozi bakuru baza kwiyakirira, kuruhuka se cyangwa no kuhakorera amanama. Kandi ngo uko imyaka igenda kuva 2015 niko umubare w’ibitero bigabwa n’uyu mutwe uri kugenda wiyongera bikabije.

Yanditswe na Schadrack Mukeshimana

Leave a Reply