Somalia irakomerejwe 26 bishwe n’inzara mu masaha 36 gusa

0
286

Mu gace ka Somalia y’amajyepfo hazwi nka Jubbland mu gihe cy’umunsi umwe n’igice gusa, abantu bagera kuri 26 bapfuye bishwe n’inzara nkuko bitangajwe na Radio ya leta (Federal Government Radio) ibishyize ku rubuga rwayo kuri uyu wa mbere.

abantu bagera kuri 26 bapfuye bishwe n’inzara
inzara muri Somaliya iravuza ubuhuha

Somalia kimwe n’ibindi bihugu mu karere imaze igihe kitari gito ivugwaho ikibazo cy’amapfa amaze guhitana abanyagihugu batari bake, kimwe n’ amatungo.kuri ubu aho kugira ngo ikibazo gikemuka ahubwo ibintu birikurushaho gukomera ku buryo ½ cy’abaturage baturiye igihugu cyose kuri ubu bugarijwe n’inzara.

Iyi nzara yo kurwego rwo hejuru muri Jubbland yatumye ibihumbi by’abaturage bakomeza kwimukira mu mujyi wa Mogadishu ngo barebe ko baronka icyo kurya. Mohamed Hussein,wungirije Minisitiri ufite mu nshingano kureberera ibibera imbere mu gihugu (Minister of Interior) muri Somalia yatangaje ko amapfa ari ku rwego rwo hejuru yishe aba baturage mu gihe cy’amasaha 36 kugeza kuri uyu wa mbere.

Yagize ati”Abaturage bo mu duce two hagati muri Jubba kimwe na Gedeo bakeneye ubufasha bwihutirwa kuko ubu niho hugarijwe cyane”

Nkuko igitangazamakuru the Standard cyabitangaje, abaturage bo batangaje ko uduce tw’imijyi twose turi kugaragaramo iki kibazo cy’inzara ari utwihariwe n’umutwe wa al Shabaab ukomeje gukora ibikorwa by’ubunyamaswa muri iki gihugu.

Ibrahim Abdow w’imyaka 62 yatangajeko mu cyumweru gishize yagombye kugenda ku ifarashi ndetse aza no gufata imodoka avuye muri Jubbland yerekeza mu murwa mukuru w’iki gihugu gushaka amazi.

Yagize ati: “Inka zacu kimwe n’ibihingwa byarononekaye, imigezi yarakamye  ku buryo ubu nta buzima bugihari rwose,”

Muri uku kwezi umuyobozi uhagarariye umuryango w’abibumbye yasabye ko ibihugu byifashije bigomba kwitanga uko bishoboye bikarwanya inzara yibasiye Somalia, anavuga ko niba nta bufasha bubonetse vuba iterabwoba rikomeza kwiyongera muri Somalia. Yakomeje avuga ko nibura hakenewe gutangwa inkunga y’amafaranga angana na miliyoni 825 z’amadolari.

Yanditswe na Schadrack Mukeshimana

Leave a Reply