Tanzania: Ney wa Mitego yatawe muri yombi kubera kunenga Leta

0
440

Umuraperi ukomeye cyane mu igihugu cya Tanzania witwa “Emmanuel Elibariki’’uzwi ku izina rya “Ney wa Mitego’’ yatawe muri yombi na polisi yo mu Ntara ya Morogoro  yo muri iki gihugu, kubera indirimbo inenga Leta ya Magufuli.

Ney wa Mitego ari mu mazi abira
Ney wa Mitego ari mu mazi abira

Muri iyo ndirimbo yakwirakwiye ku mbuga nkoranyambaga, avuga ko hari abayobozi bafite impamyabumenyi z’incurano. ibi bikaba bije nyuma hashize iminsi ku imbuga nkoranyambaga bavugamo umuyobozi w’umujyi wa Dar es salaam ko na we ari muri abo.

Umuyobozi w’Intara ya Dar es Salaam, Paul Makonda amaze iminsi agarukwaho ku mbuga nkoranyambaga, avugwaho ko mu mashuri yisumbuye yaguze indangamanota agahindura n’amazina.

Umuraperi Ney wa Mitego “yatawe muri yombi nkuko byemejwe na Ulrich Matei, umuyobozi wa Polisi wungirije mu Ntara ya Morogoro.

Uyu muyobozi avuga ko Ney wa Mitego aza kujyanwa Dar es Salaam ngo abazwe kuri iyi ndirimbo ye inenga abahanzi n’abanyepolitiki, nkuko tubikesha Ikinyamakuru Mwananchi.

Muri iyo ndirimbo avuga ko nta bwisanzure bwo gutanga ibitekerezo buri muri Tanzania, akavuga kandi ko umuyobozi mwiza ari uwemera kunengwa.

Avuga kandi ko hari abayobozi banywa ibiyobyabwenge,akavuga ko abo bayobozi banywa  ibiyobyabwenge barimo n’uwahoze ayobora Tanzania Jakaya Kikwete wabanjirije Perezida Magufuli muri Perezidansi ya leta y’iki gihugu.

Agaruka ku bakobwa akavuga ko harimo abakora imibonano mpuzabitsina babihuje, akavuga ku bahanzi bagenzi be akavuga ko na bo barimo abanywa ibiyobyabwenge, ubundi akerekeza amaso mu itangazamakuru akavuga ko ritinya Leta.

Yanditwe na Daniel Gatera

Leave a Reply