Tanzaniya: Amahembe y’inzovu amukozeho

0
124

Umugabo w’ikirangirire   mu guhiga inzovu wo mu gihugu cya Tanzaniya uzwi nka the Devil bishatse kuvuga Satani,  Yakatiwe imyaka 12 y’igifungo azira gucuruza amahembe y’inzovu mu bihugu bigera kuri bitanu muri Afurika.

Amahembe y’inzovu amukozeho
Amahembe y’inzovu amukozeho

ikigo the PAMS Foundation gitera inkunga leta ya Tanzaniya mu kurwanya ubuhigi bukorerwa inyamaswa,  cyatangaje ko uyu mugabo ubusanzwe witwa Boniface Matthew Maliango, uzwi cyane nka Satani kubera ibikorwa by’ubunyamaswa akora  yamaze gukatirwa igifungo cy’imyaka 12 muri gereza.

The Daily Nation itangaza ko uyu mugabo ufite imyaka 47 y’amavuko ufatwa nk’umucuruzi wa mbere w’amahembe y’inzovu muri Afrika y’ iburasirazuba yatawe muri yombi mu mujyi wa Dar es Salaam muri Nzeri 2015 nyuma y’igihe kirekire yari amaze muri ubu buzima bw’ubuhigi.

Ikigo gishinzwe kureberera ubuzima bw’inyamaswa zo mu gasozi, The Elephant Action League cyatangaje ko Maliango yari ahagarariye amatsinda agera kuri 15 y’abahigi,  bicaga ibihumbi by’inzovu mu bihugu bya  Tanzania, Burundi, Zambia, Mozambique ndetse na Kenya.

Uyu mugabo kandi arashinjwa kuyobora mu bikorwa by’ubuhigi Yang Fenlan ,umushinwa uzwi cyane nka Ivory Queen w’imyaka 66 y’amavuko kuri ubu wamaze kugezwa mu rukiko mu gihugu cya Tanzaniya, nyuma yo gukekwaho gucuruza  amenyo y’inzovu agera kuri 706 mu myaka ya 2000 na 2014.

Uyu mugabo The Devil hamwe na Ivory Queen nyuma yuko batabwa muri yombi muri 2016, bakorewe  icyegeranyo kigaragaza ubuzima bwabo bw’ubuhigi kizwi nka The Ivory Game cyayobowe na Leonardo Di Caprio .

Nkuko byagaragajwe n’ikigo the International Union for Conservation of Nature (IUCN)  umubare w’inzovu muri Afurika, wagabanyutse ku kigero cya 111,000 kugera kuri 415,000  mu myaka icumi ishize.

Yanditswe na Daniel Gatera

Leave a Reply