Tanzaniya: Umufasha wa Jakaya Kikwete yazamuwe mu ntera na Magufuli

0
120

 Perezida wa Tanzaniya Dr. John Pombe Magufuli yatoye umufasha w’uwahoze ari perezida mugenzi we, Jakaya Mrisho Kikwete guhagararira inteko ishinga amategeko umutwe w’apadepite.

Salma Kikwete
Salma Kikwete yazamuwe mu ntera na Magufuli

Salma Kikwete ni umufasha wa perezida wacyuye igihe, Jakaya Mrisho Kikwete. Bbc dukesha iyi nkuru itangaza ko ateganyijwe kurahizwa nkuko itegeko ribiteganya, mu muhango uzatangazwa n’inteko inshinga amategeko ya Tanzaniya.

Salma Kikwete yavutse tariki ya 30 Ugushyingo 1963 aba umufasha wa perezida wa Tanzania wa kane muri 2005, mbere y’aho akaba yarakoze akazi k’ubwalimu imyaka irenga 20.

We n’umugabo we bakunze kubera abandi urugero nko gufata iya mbere mu kwipimisha ubwandu bw’agakoko gatera SIDA muri 2005.

Uyu mufasha w’uwahoze ari perezida wa Tanzaniya akaba kandi yaratangije ikigega kidaharanira inyungu WAWA,  kigamije guteza imbere iterambere ry’abagore n’abana.

Yanditswe na Nsanzimana Germain

Leave a Reply