Tidiane Koné afashije Rayon Sport gukura intsinzi i Bugesera

0
1048

Kuri uyu wa Gatatu tariki ya 22 Werurwe 2017, ikipe ya Rayon Sport yari yagiye gukina n’ikipe ya Bugesera mu mukino w’ikirarane cy’umunsi wa 21 wa shampiyona, ukaba wabereye mu karere ka Bugesera.

Tidiane Koné afashije Rayon Sport gukura insinzi I Bugesera
Abafana bari bakubise buzuye

Rayon Sport yari gukina uyu mukino mu mpera z’icyumweru gishize gusa yagombaga guhura na Onze Creauteurs yo muri Mali mu mikino ya CAF Confederation Cup ndetse umukino byarangiye utabaye Rayon Sport ibona itike yo gukomeza muri iyi mikino idakinnye kubera ibibazo biri mu ishyirahamwe ry’umupira w’amaguru muri Mali.

Mu gice cya mbere cy’uyu mukino ikipe ya Bugesera yatangiye igaragaza ubushake bukomeye bwo gusatira cyane ndetse ikabona amahirwe atandukanye gusa ntabyare igitego, ku rundi ruhande abasore ba Rayon Sports bageragezaga gukora ibishoboka kugirango basatire Bugesera, Pierrot umenyereweho amashoti ya kure yari yabarembeje mu gihe Camara na Nova Boyama nabo botsaga igitutu gikomeye ba myugariro ba Busegera gusa igice cya mbere kirangira amakipe yombi anganya ubusa k’ubusa.

Mu gice cya kabiri, Rayon Sport yagarukanye imbaraga zidasanzwe, ndetse igaragaza intumbero ikomeye yo gutsinda igitego birangira ibigezeho, Ku munota wa 17 w’iki gice cya kabiri ukaba uwa 62 w’umukino, Kwizera Pierrot yakorewe ikosa umusifuzi Hakizimana Louis atanga coups franc maze umunya Mali Tidiane Kone aba atsindiye Rayon Sport igitego kimwe rukumbi batahanye muri uyu mukino.

Tidiane Koné afashije Rayon Sport gukura insinzi I Bugesera

Uyu mukino Massudi Djuma ntago ariwe wawutoje kubera ibihano yari yafatiwe mu mukino uheruka, Nshimiyimana Maurice usanzwe wungirije Massudi niwe wawutoje, mu gihe umutoza mushya w’Amavubi Antoine Hey yari yaje kwihera ijisho.

Rayon Sport iracyayoboye urutonde rwa shampiyona  n’amanota 46 mu gihe igifite n’imikino ibiri y’ibirarane, igakurikirwa n’ikipe ya APR FC ifite amanota 41.

Leave a Reply