Ubuhamya: Naje kuva ku izima nyuma y’imyaka irenga 7

0
158

Mu buzima bwanjye ndi umusore udakunda kuva ku izima, nyuma y’ibyambayeho mu gihe najyanye n’inshuti zanjye gufata amafunguro muri resitora imwe ya hano i Kigali, naje gufata umwanzuro w’uko ntazongera na rimwe kurya ibiryo byo muri resitora.

Gusa kubera ubuzima bwa gisore namwe mutayobewe rimwe na rimwe ukisanga uri gukorera kure yaho uturiye, naje kwisanga akazi nabonye kari kure yaho nari ncumbitse kubona ifunguro rya saa sita, akenshi na kenshi bikangora nkahitamo gufata fanta cyangwa se bikarangira mbwiriwe.

Uti byagenze gute rero? Ubwo twari mu kizamini gisoza amashuri yisumbuye mu mwaka wa 2010 njye n’urungano rwanjye tumaze gukora ikizamini cya mbere cy’imibare twashatse ahantu twafatira ifunguro hano i Kigali tuza kugwa kuri resitora imwe ntifuje gutangaza amazina, gusa uburyo batwakiriye ndetse na serivise baduhaye byatumye n’icuza mu buryo bukomeye ndetse mpita mfata umwanzuro ntakuka y’uko ntazasubira ahitwa muri resitora.

Ngarutse ku buzima bwanjye bw’ubu nku museribateri, mu ntangiriro z’uyu mwaka umwe mu basore dukorana yasanze naguye agacuho mu masaha ya saa Cyenda, yamfashe akaboko anyerekeza mu merekezo agana ahazwi nko kuri Onatracom kompanyi yahinduriwe izina ikaba isigaye yitwa RITCO mu gace ka Biryogo ya Nyamirambo. Tugeze hafi y’icyapa abagenzi baviramo mbona anyinjije muri resitora gusa nanga guhita mwerurira ngo muhakanire ndavuga nti sinaba nkisubiye inyuma nageza aho, nti reka nemere afate ifunguro ntacyo mutegereze.

Mu kuhagera umwe mu bakira abantu yaje afite urugwiro rwinshi mbona isuku afite ndavuga nti amaherezo amateka ashobora kuba agiye kuba amateka arabanza aradusuhuza, nyuma yaho aratubaza ati: “Tubazanire ayahe mafunguro?”  njye nkomeza kwinopfaguzwa gusa nyuma y’igihe ndamubwira nti njye mwaba mu mpaye umutobe (jus) kuko numvaga ntabasha kugira icyo mfata kubera mu muhogo hari humye, ariko intero yanjye ikiri imwe ari sinarya ibiryo byo muri resitora.

Mu kwinjira muri iyi resitora nasanze yitwa Mini Tamu-Tamu, nasanze hariho ko bafite indyo nyafurika mbona uburyo abakozi bayo bari guhihibikana banyaruka bita ku bakiriya ubona ikibaraje incinga ari uko abakiriya bafite banyurwa na serivise babagenera, nkuko musanzwe mu bizi menshi mu ma resitora hari igihe utumaho icyo kurya ukazabigezwaho isari wari ufite yashize ho rero si uko, kuko icyo usabye utinzwa no kugisaba mu kanya gato nko guhumbya nabonye mugenzi wanjye bamuzaniye ifunguro yari yatumye.

Imwe mu mpamvu nyamukuru yatumye mva kwizima ni umutobe nahankwereye ukozwe muruvangitiranye rw’imbuto zitunganyijwe n’isuku ntagereranwa ndetse n’isuku nasanganye abakora mu gikoni cyaho ubwo nisabiraga kugerayo bakambwira ko igikoni cyaho atari umuhezo buri wese ushaka gushira ikinyoma y’uburyo bategura amafunguro ahagera nta nkomyi.

Kimwe mu byatumye nibaza cyane kuri Mini Tamu-Tamu ni uruhurirane rw’abantu ingeri zitandukanye abana, abakuze ndetse n’abasheshe akanguhe bisanga muri iyi resitora ku mafunguro abanogeye. Kuva ubwo nafashe umwanzuro ntakuka wo kongera kuzajya ndengera ubuzima mfata ifunguro ritunganyijwe neza muri Mini Tamu-Tamu akaba ari yo mpamvu nifuje kubasangiza urugendo rwanjye rwo kuva kwizima namwe ngo muhagane muzaze muduha ubuhamya.

Ku marembo ya Resitora Mini Tamu-Tamu wakirizwa urugwiro ifunguro rya Kinyafurika
Tamu Tamu
uburyohe bwavuye mu rusobe rw’izi mbuto niwo watumye mpindura intekerezo
Isuku ndetse n’urugwiro by’abahakora byaranyuze bidasanzwe
Tamu tamu
Ibinyobwa bitandukanye biba bihabaye, ugahitamo uko ubyifuza

Leave a Reply