Ubuzima bw’ufatwa nk’umunyagitugu mu mboni y’amahanga Kim Jong-un

0
6212

Mu burengerazuba bw’isi bamufata nk’umusazi, mu burasirazuba bw’aryo naho nawumucira akari urutega nyamara mu gihugu cye bamubona nk’umucunguzi uwo ntawundi ni Kim Jong-un umutegetsi w’ikirenga wa Koreya ya Ruguru benshi batangarira imiyoborere ye ihorana udushya no kudacana uwaka n’uwamwitambika mu ikorwa by’ibisasu kirimbuzi.

Image result for kim jong-un when he was young

Kim Jong-Un  niwe mutegetsi w’igihugu cya Koreya ya Ruguru akaba yaragiye kuri uyu mwanya aje asimbura Se umubyara mu mwaka wa 2011 nyuma y’urupfu rwe.

Mu bwana bwe akaba yari umutoni kwa Se washatse abagore barenze umwe, Jong-un akaba yari umwana wa gatatu kwa Se Kim Jong-il uretse kuba ubuzima bwe bwaragiye akenshi nkuko n’igisekuru cye cyabigenje bagiye babushyira mu ibanga mu buryo bukomeye aho banganga ko amakuru yabo ajya ahagaragara agahora iteka ari ubwiru.

Ubuzima bwe bwite mu ibanga rikomeye

Kim Jong-un akaba yaravutse kuri Ko Yong-hui nyina ndetse na Kim Jong-il wari Se, mu buto bwe akaba yaroherejwe na Se umubyara kujya kwiga amashuri mu gihugu cya Suisse cyo mu Burayi nabwo bikorwa mu ibanga rikomeye dore ko yahinduriwe amazina akagenda kubyangombwa biriho amazina ya Chol-pak mu rwego rwo kwirinda ko yazagirirwa nabi n’intasi za Koreya y’Amajyepfo zidacana uwaka na Koreya ya Ruguru.

Nkuko bamwe mu biganye na Chol-pak babitangaza ngo yari umwana w’umuhanga cyane mu ishuri gusa uhorana amasoni imbere y’abakobwa muri icyo gihe akaba yarakurikiranaga n’isomo ry’ururimi rw’icyongereza mu buryo bw’ibanga, abanyeshuri biganaga na Chol-pak batangaje ko yari umukunzi w’umukino wa Basketball cyane mu kujya kureba aho bakinaga uyu mukino akaba yarafite umwe mu bashuti be badasigana nyuma byaje kuvumburwa ko yari umurinzi we.

Kim jong-unNyuma yaho gato uwari Chol-pak yaje guhindura ikigo ahindura n’ibyangombwa aza kwitwa Pak-un yerekeza ku kigo cyitwaga Liebefeld Steinhölzli mu gace ka Köniz hafi yaho yigaga muri Bern kuva mu mwaka wi 1998 kugeza muri 2000. Ubuyobozi bwo muri aka gace bukaba bwaratangaje ko uyu munyeshuri mushya wiyandikishije ari umwana w’umwe mu bakozi ba ambasade ya koreya ya Ruguru gusa akaba iteka yarigaragazaga nk’umwana wa rubanda rwo hasi udakomoka mu muryango w’abakire.

Laboratwari yo muri Kaminuza ya Lyon yaje kugereranya amafoto abiri harimo imwe y’uwari uzwi nka Pak-un yafatiwe mu ishuri rya Liebefeld Steinhölzli mu mwaka wi 1999 ndetse n’ifoto ya Kim Jong-un yo mu mwaka wi 2012 baza gusanga izo foto zifite aho zihuriye kukigero cya 95% aho baje gusanga aya mafoto abiri agaragaza umuntu umwe.

Mu bwana bwe Jong-un akaba yari umwana utarajya akunda kujya ahagaragara nka abandi akaba ariyo mpamvu mu bijyanye n’ubuzima bwe bwahoze akenshi ari ibanga.

Uburyo yaje gutoranwa mu bandi bana, nk’uzaba umusimbura wa Se

Imfura yo muri uyu muryango wa Kim Jong-il ariwe Kim Jong-nam akaba yari afite amahirwe menshi yo kuzasimbura Se wabo igihe yari kuba atakiri ku isi, gusa ayo mahirwe akaba yarayoyotse nyuma yaho yaje gufatirwa mu cyuho mu mwaka wi 2001 ari kugerageza kwinjira mu gihugu cy’Ubuyapani ku byangombwa mpimbano agiye gusura umujyi wa  Disneyland, Se umubyara akaba yarahise amutakariza icyizere.

Gusa kandi Se wabo nyuma yo gutakariza icyizere imfura ye akaba amahitamo yarasigaranye ari ukubusigira umwana wa kabiri Kim Jong-chul gusa nawe ntiyamwiyumvagamo kubera ko yitwaraga nka abakobwa ahitamo kuzabusigira umwana we Kim Jong-un yabonaga nk’umusimbura mwiza we.

Jong-il mu gutegura neza Jong-un akaba yarabanje amugira umugaba mukuru w’ingabo z’iki gihugu ndetse inkuru yari imaze kuba kimomo mu mwaka wa 2009 aho na BBC yatangaje ko Jong-un ari we musimbura wa se ku mwanya w’umutegetsi w’ikirenga wa Koreya ya Ruguru.

Ubugambanyi no kutavugirwamo kwa Kim Jong-un

Nyuma y’urupfu rwa Se mu mwaka wi 2011 Jong-un yahise yihutira gushyira mu buroko bamwe mu basirikare bakuru b’iki gihugu yumvaga ko bashobora kumubera intambamyi mu kuzuza imigambi ye yari afite muri abo akaba yarahereye kuri nyirarume we Jang Song-thaek wari umwe mu bajyanama ba Se wari utabarutse.

Mu Ukuboza mu mwaka wa 2013 nibwo Jang Song yatawe muri yombi ndetse aza kwicwa azira kuba yarari mu bikorwa byo kugambanira ubutetsi bushya bwariho.

Uretse kuba yaragize uruhare mu rupfu rwa Nyirarume mu kwezi kwa Gashyantare uyu mwaka wa 2017 bivugwa ko Jong-un ariwe washyizeho intasi zo gukurikirana mukuru we ngo yicwe wabaga mu buhungiro Kim Jong-nam waje kugwa muri Malaysia asizwe ubumara mu maso.

ibitwaro kirimbuzi muri Koreya ya Ruguru

ku butegetsi bwa Jong-un nibwo iki gihugu cyashyize imbaraga mu buvumbuzi ndetse kigira igitinyiro mu maso y’amahanga aho nawe yaratunze ibitwaro kiri mbuzi ashobora kurasa ku mwanzi we uwo ari we wese ku isi mu gihe yamuvogera.

iki gihugu cya Koreya ya Ruguru mu mwaka wa 2012 nibwo inkuru yasakaye ko nabo bagiye kugerageza ibitwaro kirimbuzi bari bamaze igihe kinini bakora ndetse no kuzamura icyogajuru mu kirere mu kwezi kwa Mata uwo mwaka gusa ntibyabahira kuko itabashije kujya mu isanzure gusa ntiyacitse intege Jong-un kuko yashyizemo imbaraga nyinshi maze mu Ukuboza uwo mwaka aza kubigeraho ngo azabashe kugenzura ndetse no gukurikirana uburyo azajya agerageza ibitwaro kirimbuzi yari amaze gukora ku bwinshi.

Muri Gashyantare 2013 Koreya ya Ruguru ku butegetsi bwa Jong-un nibwo hageragerejwe hasi mu butaka igisasu kirimbuzi gikozwe muri Nuclear igikorwa cyarwanyijwe n’imiryango mpuzamahanga mu buryo bukomeye ndetse n’ibihugu bitandukanye by’ibikomerezwa kuri iyi si dutuye bimuha gasopo ngo ntazongere harimo nka Leta zunze ubumwe z’Amerika, Uburusiya, Ubuyapani, hamwe n’Ubushinwa gusa abima amatwi arushaho gukaza umurego mu kubicura ku bwinshi.

Image result for kim jong-un Ri Sol-ju
Kim Jong-un hamwe n’umufasha we Ri Sol-ju wahoze ari umuririmbyi

Muri Nzeri umwaka ushize iki gihugu cya Koreya ya Ruguru cyongeye gutangaza ko bari mu myiteguro ikomeye yo kongera kugeragereza hasi mu butaka ibisasu byabo kirimbuzi ku nshuro ya gatanu, ntihatinze kuko mu kwezi kwa Gashyantare uyu mwaka baje kongera bagerageza iki gisasu ndetse byongera gukurura umwuka mubi hagati ye n’amahanga amaze kumurambirwa gusa bose hakabura numwe ukoma rutenderi maze intambara y’ibitero kirimbuzi ikaba yarota benshi bemeza ko ariyo izaza irangiza Isi.

Kim Jong-un Akaba yarashakanye na Ri Sol-ju mu buryo bw’ibanga nkuko byagiye bihoraho mu muryango wabo ko batajya bashyira ubuzima bwabo hanze muri rubanda mu mwaka wi 2009 gusa nta numwe uzi igihe ubukwe bwabo bwabereye, Ri Sol-ju wai usanzwe ari umuririmbyi mu ihuriro rya Pochonbo Electronic, yaje kugaragara mu ruhame cyane ari ubumoso bwa Jong-un gusa haza kuvumburwa ko ari we mugore we mu mwaka wi 2011 ari mu muhango wo guherekeza mu cyubahiro Jong-il, kugeza ubu bakaba bafitanye abana babiri umuhungu n’umukobwa imfura yabo ikaba yaravutse mu mwaka wa 2010.

Erick M. RUZINDANA/TouchRwanda.com

Leave a Reply