Uganda: Abarenga 12 bamaze gutabwa muri yombi bazira urupfu rw’umuvugizi w’igipolisi

0
1184

Nyuma y’aho umuvugizi w’igipolisi cya Uganda apfuye arashwe ndetse n’abamurindaga, inzego zishinzwe umutekano zimaze guta muri yombi abarenga 12 bakurikiranyweho urupfu rw’uyu mupolisi wavugiraga igipolisi cya Uganda.

ubwo umuvugizi wa polisi yaraswaga
ubwo umuvugizi wa polisi yaraswaga

Daily monitor itangaza ko abafashwe bamaze kugera kuri 17, aho harimo bane bafashwe mu ishyingurwa ry’uyu mupolisi mukuru Andrew Felix Kaweesi mu gace ka Kitwekyanjovu mu karere ka Lwengo ku wa kabiri w’iki cyumweru.

Umupolisi wari ukuriye ishami rishinzwe iperereza AIGP Asuman Mugyenyi, kuri ubu niwe wahawe inshingano zo kuba avugira igipolisi cya Uganda nkuko byemejwe n’umukuru wa polisi mu gihugu cya Uganda Gen Kale Kayihura akaba yahise yameza abo bantu bafunzwe.

Yagize ati”Abafashwe bari mu duce twa Naggalama na Najjeraariko amakuru arambuye afitwe n’umuvugizi w’igipolisi cy’umujyi wa Kampala”.

Umuvugizi w’igipolisi cya Uganda yarashwe ubwo yavaga mu rugo, bamurasira hamwe n’abamurindaga ubwo biteguraga kujya gutanga ikiganiro muri Christian University, icyo gihe abanyeshuri bakaba bari bamaze gukusanyirizwa ahagombaga kubera inama.

Nkurunziza Pacifique/touchrwanda.com                      

Leave a Reply